Общественные науки в современном мире: теоретические и практические исследования

КОРПОРАТИВ ШАРТНОМА ТАРАФЛАРНИНГ ҲУҚУҚЛАРИНИ ҲИМОЯ ҚИЛИШНИ ТАКОМИЛЛАШТИРИШ

Казакбаев Туелбай Каримбаевич — Tue, 21 Nov 2023 00:00:00 +0000

Мақолада корпоратив шартнома тарафларининг ҳуқуқлари ва уларни ҳимоя қилиш усуллари ҳамда воситалари ҳаққида маълумот берилган, шунингдек корпоратив шартнома тарафларининг ҳуқуқларини химоя қилишни такомиллаштириш масалаларига тохталиб ўтилган.

ЭЛЕКТРОН ТЎЛОВ ВОСИТАЛАРИ ОРҚАЛИ ҲИСОБ-КИТОБЛАРНИНГ ҲУҚУҚИЙ АСОСЛАРИ

Ганиев Ерполат Жамильевич — Tue, 21 Nov 2023 00:00:00 +0000

Электрон тўлов воситалари орқали ҳисоб-китоб қилиш Интернетнинг ривожланиши ҳамда ақлли технологияларнинг банк тизимига фаол жорий этилиши натижасида кенгайиб бормоқда. Бу ўз навбатида ҳисоб-китобларнинг мазкур турининг ҳуқуқий табиатини аниқлаш, уларнинг ҳуқуқий асосларини таҳлил қилиш заруратини кўрсатади. Шунингдек, электрон тўлов воситаси бўлган банк карталарини очиш, улар бўйича хизмат кўрсатиш шартномаларнинг мазмунини белгиловчи қонунчилик нормаларини яратиш ҳамда уларнинг тартибга солиш предмети ва юкини аниқлаш муҳим аҳамият касб этади. Ушбу мақолада электрон тўлов воситалари орқали ҳисоб-китоб қилишнинг ҳуқуқий асослари таҳлил қилинади.

ОИЛА-ФУҚАРОЛИК ЖАМИЯТИНИНГ ТАЯНЧ УСТУНИ

Ўктамжон Абдурасулов — Tue, 21 Nov 2023 00:00:00 +0000

Ушбу мақолада жамиятнинг муҳим бўғини бўлган оилаларни мустаҳкамлаш масаласи ҳам амалий ҳам назарий жиҳатдан таҳлил қилинган. Шунингдек, бугунги кунда амалиётда оилаларда учраётган мавжуд муаммолар, ишламаётган қонун талаблари, оилаларни мустаҳкамлаш борасида таклифларни ўз ичига олган.

ХОДИМЛАР ОИЛАСИДА СОҒЛОМ МУҲИТНИ ТАРКИБ ТОПТИРИШ ЖАМИЯТ БАРҚАРОРЛИГИНИНГ АСОСИДИР

К.К. Қодиржонов — Tue, 21 Nov 2023 00:00:00 +0000

Бугунги шиддат билан ўзгариб бораётган глобаллашув даврига келиб ҳам Ўзбекистон ўз истиқболи ва келажагини оилани ривожлантириш, уни эъзозлашда, деб билаётгани миллий қадрият ва анъаналаримизни сақлаган ҳолда замонавий, намунали ва фаровон оилани барпо этиш давлат сиёсатининг устувор йўналишларидан бирига айлангани барчага маълум. Зеро давлатимиз раҳбари таъкид этганларидек “Оила кичик ватан, оила тинч бўлса, бахтли бўлса, ватан тинч бўлади”.

ОИЛА-ТУРМУШ МУНОСАБАТЛАРИ ДОИРАСИДАГИ МАЪМУРИЙ ҲУҚУҚБУЗАРЛИКЛАР БЎЙИЧА ИШЛАРНИ ЮРИТИШ ТАРТИБИ

Янгибаев А.К. — Tue, 21 Nov 2023 00:00:00 +0000

Ушбу мақолада оила-турмуш муносабатлари доирасидаги маъмурий ҳуқуқбузарликлар бўйича ишларни юритиш тартиби таҳлил этилган бўлиб, маъмурий қонунчиликни такомиллаштириш бўйича таклифлар илгари сурилган.

ХОТИН-ҚИЗЛАРГА НИСБАТАН ТАЗЙИҚ ВА ЗЎРАВОНЛИКНИ ОЛДИНИ ОЛИШНИНГ БУГУНГИ АҲВОЛИ

Муродов Алишер Шарофхонович — Tue, 21 Nov 2023 00:00:00 +0000

Мазкур мақолада хотин-қизларга нисбатан тазйиқ ва зўравонлик профилактикаси бўйича субъектлар фаолиятини ташкилий
ва ҳуқуқий таъминлаш, тазйиқ ва зўравонлик профилактикасида ҳамкорликни ташкил этиш тартиби ва йўналишлари таҳлил қилинган.

ИСТЕЪМОЛЧИЛАРНИНГ ҲУҚУҚЛАРИНИ ТАЪМИНЛАШ МАҚСАДИДА ТОВАРЛАРНИНГ СИФАТИ ВА ХАВФСИЗЛИГИНИ ТАЪМИНЛАШНИНГ ЮРИДИК АСОСЛАРИ

Маматов Шермухаммад Илхом ўғли — Tue, 21 Nov 2023 00:00:00 +0000

Истеъмолчиларнинг ҳуқуқларини таъминлаш борасида амалга оширилаётган ислохотларнинг мазмун мохияти шунингдек товарларнинг сифати ва хавфсизлигини таъминлашнинг долзарб жихатлари ва истемолчиларнинг ҳуқуқларини химоя қилишга доир қонунчиликда мавжуд бщлган муаммолар ёритиб ўтилган.

ОИЛАВИЙ БАХТ ТУШУНЧАСИ ҲАМДА ЎЗБЕКИСТОНДА ОИЛАЛАРНИНГ БАХТЛИЛИК ИНДИКАТОРАЛАРИНИ ИШЛАБ ЧИҚИШ МАСАЛАЛАРИ

Сайдивалиева Хуршида Ходжиакбаровна — Tue, 21 Nov 2023 00:00:00 +0000

Мақолада бахт ва оилавий бахт тушунчаларининг талқини ҳамда бахтни ўлчаш, бахтли бўлиш ҳуқуқига оид масалалар таҳлил қилинади. Бахт тушунчаси билан боғлиқ янги ёндашувларнинг юзага келаётганлиги, давлат органларининг самарали фаолиятини назорат қилишда фойдаланилаётганлиги хорижий мамлакатлар тажрибаси ва халқаро индекслар мисолида келтирилади. Ўзбекистонда оилаларнинг бахтлилик индикаторларини ишлаб чиқиш бўйича олиб борилаётган сайи ҳаракатлар, муаммолар ҳамда жорий қилишда эьтиборга олиниши лозим бўлган омиллар юзасидан таклифлар келтириб ўтилади.

SURROGАT ONАLIKNI HUQUQIY TАRTIBGА SOLISH: MILLIY VА XORIJIY TАJRIBА

Babajanova Dinara Islamovna — Tue, 21 Nov 2023 00:00:00 +0000

Bugungi kunda oilani saqlab qolish maqsadida bepushtlikka yechim sifatida surrogat onalik dunyoning ko'plab davlatlarida samarali qo'llanilmoqda. Muallif ushbu masalada rivojlangan davlatlar, xususan Yevropa mamlakatlari tajribasini qiyosiy tahlil qilgan holda, O'zbekistonda ham surrogat onalikni to'g'ridan-to'g'ri tartibga soluvchi qonunchilikni shakllantirish zarurligini ta'kidlaydi.

ФУҚАРОЛИК ҲУҚУҚИДА ОПЕРАТИВ БОШҚАРУВ ҲУҚУҚИНИНГ МОҲИЯТИ

Б.А.Артиков — Tue, 21 Nov 2023 00:00:00 +0000

Мақолада мулкни оператив бошқариш ҳуқуқи масалаларининг назарий ва амалий жиҳатлари таҳлил қилинган. Шунингдек оператив бошқарув ҳуқуқи вужудга келишининг асослари ва уни бошқаришга оид фикрлар берилган.

ОТА-ОНАЛАР ТОМОНИДАН БОЛАЛАРГА НИСБАТАН СОДИР ЭТИЛАЁТГАН ТАЗЙИҚ ВА ЗЎРАВОНЛИК МУАММОЛАРИ

Маҳмудходжаева Умида Муминовна — Tue, 21 Nov 2023 00:00:00 +0000

Мақолада оила қонунчилигига кўра болаларнинг оилавий тазйиқ ва зўравонликдан ҳимоя қилишнинг назарий, хуқуқий ва амалий муаммолариўрганилди. Шунингдек хорижий давлатлар қонунчилиги, олимларнинг илмий-тадқиқот ишлари таҳлил этилиб, таклиф ва тавсиялар ишлаб чиқилди.

НЕКОТОРЫЕ ОСОБЕННОСТИ ПОНЯТИЙНОГО АППАРАТА ИНФОРМАЦИИ

Палуаниязов Х.А. — Tue, 21 Nov 2023 00:00:00 +0000

В современном мире, где очень много информационных технологий, гаджетов, софтов очень трудно обеспечить абсолютную приватность человека, так как теоретически каждый гаджет и софт собирает о нас разную информацию персонального характера. Хотелось бы обратить внимание, что информация касающегося кого-либо, она для него, то есть того человека которая данная информация касается может иметь весьма значительную ценность и распространение её повлечь за собой определённые негативные последствия. Хотелось бы рассмотреть само понятие «информация» и её некоторые аспекты взаимосвязанные с её обладателем, то есть к человеку, с которым она «связанна».

ВОЯГА ЕТМАГАН БОЛАЛАРНИНГ ИСМГА БЎЛГАН ҲУҚУҚЛАРИНИ ҲИМОЯ ҚИЛИШ МАСАЛАЛАРИ

Х.М.Киличев — Tue, 21 Nov 2023 00:00:00 +0000

Мақолада оила қонунчилигига кўра вояга етмаган болаларнинг шахсий номулкий ҳуқуқлари тушунчаси, аҳамияти ва бугунги кундаги аҳволи илмий-назарий жиҳатдан таҳлил этилиб, таклиф ва тавсиялар ишлаб чиқилди.

SURROGAT ONALIK SHARTNOMASIDA SURROGAT ONANING JAVOBGARLIGI MASALALARI

Choriyev Murodjon Shokirjonovich , Abdullayev Jamshid Djamilovich — Tue, 21 Nov 2023 00:00:00 +0000

Maqolada surrogate onalikda sturining huquqiy asoslari ilmiy-nazariy tahlil qilingan va shartnoma doirasida surragat onaning javobgarligi masalalariga alohida e’tibor qaratilgan.

ХОТИН-ҚИЗЛАРГА НИСБАТАН ТАЗЙИҚ ВА ЗЎРАВОНЛИКНИНГ САБАБ ВА ШАРОИТЛАРИ ТАҲЛИЛИ

Турсунов Ахтам Саломович — Tue, 21 Nov 2023 00:00:00 +0000

Мазкур мақолада хотин-қизларга нисбатан тазйиқ ва зўравонликнинг сабаблари ва унга имкон берган шарт-шароитлар гуруҳларга ажратилган ҳолда таҳлил қилинган ҳамда тегишли хулосалар қилиниб, таклиф ва тавсиялар ишлаб чиқилган.

КЕКСАЛИК ВА ЁШЛИК: ДОМИНАНТ ШАХСИЙ ҲУҚУҚЛАРМИ ЁКИ АХЛОҚ?

Миродилжон БАРАТОВ — Tue, 21 Nov 2023 00:00:00 +0000

Ижтимоий тармоқларимиздаги чиқишларга эътибор қаратамиз: “Бир болага етти маҳалла ҳам ота, ҳам она”, “Одобни одобсиздан ўрган”, “Қуш инида кўрганини қилади”, “Олманинг тагига – олма, беҳининг тагига – беҳи тушади”, “Қўйни ҳам, эчкини ҳам ўз оёғи билан осиб, сўядилар”, “кексалар эъзозланмоқда”, “Кексаларни эъзозлаш, уларга ҳурмат-эҳтиром кўрсатиш – халқимизга хос эзгу фазилат”, “Кексалар ҳафталиги”, “Кексалар маслаҳати” гуруҳлари, юртимиздаги барча маҳаллаларда нуронийлар, шу жумладан, “Саховат” ва “Мурувват” интернат уйларида истиқомат қилаётган кексалар, ёшлар, у ёки бу соҳа вакиллари иштирокида маданий-маърифий тадбирлар, танловлар, хайрия тадбирлари, жумладан, нуроний ва ёшлар учрашувлари ўтказилди...

НИКОҲДАН АЖРАЛИШДА ОИЛАВИЙ МЕДИАЦИЯНИ ҚЎЛЛАШ ИСТИҚБОЛЛАРИ

Шарахметова У.Ш — Tue, 21 Nov 2023 00:00:00 +0000

Оилани мустаҳкамлаш замонавий жамиятимиз учун долзарб масала бўлиб ҳисобланади. Шунинг учун ушбу мақсаддан келиб чиқиб, мавжуд оилаларни мустаҳкамлаш, ажралишлар сонини камайтириш учун ҳуқуқий шарт шароитлар яратиш керак. Ушбу муаммони ҳал қилишнинг асосий усулларидан бири- никоҳдан ажралишни ҳуқуқий тартибга солишга қаратилган қонунчиликни такомиллаштириш, никоҳдан ажралиш шаклини танлаш, шунингдек, эр-хотин ўртасида мавжуд бўлган ҳуқуқий низоларни ва ҳуқуқий тартибга солиш доирасидан ташқарида бўлган низоларни бартараф этишга қаратилган қўшимча тартибларни жорий этишдир.

ГЕНДЕР ТЕНГЛИГИ МАСАЛАСИГА ХОРИЖИЙ ВА МИЛЛИЙ ЁНДОШУВ

Кулдашев Нуриддин Абдуганиевич — Tue, 21 Nov 2023 00:00:00 +0000

Бирлашган Миллатлар Ташкилоти (БМТ) ва бир қатор кўп миллатли давлатлар томонидан турли сиёсий йўллар билан қўллаб-қувватлашга ҳаракат қилинаётган гендер тенглиги масаласи кейинги вақтларда халқаро ҳамжамият томонидан тез-тез муҳокама қилинмоқда.“Гендер” тушунчаси халқаро сиёсий аренада XX асрнинг охирларида пайдо бўлди. Аниқроғи, 1995 йил 4-15 сентябрь кунлари Пекин шаҳрида бўлиб ўтган Тўртинчи Бутунжаҳон Аёллар Конференциясида “Гендер тенгсизлиги” ижтимоий муаммо сифатида кўтарилди. Сайёрамизнинг 120 дан ортиқ мамлакатлари иштирокидаги мазкур конференцияда Пекин декларацияси ва Ҳаракатлар платформаси^[1] қабул қилинди.

ФАРЗАНД КЎРИШ ХАҚИДА ЭР ХОТИННИНГ БИРГАЛИКДА ҚАРОРЛАР ҚАБУЛ ҚИЛИШ ҲУҚУҚИЙ МЕХАНИЗМИНИ ШАКЛЛАНТИРИШ МАСАЛАЛАРИ ВА УШБУ ҲУҚУҚ ТАБИАТИ ТЎҒРИСИДА

О.Окюлов — Tue, 21 Nov 2023 00:00:00 +0000

Оила жамиятнинг энг асосий бошланғич хужайраси бўлиб хисобланади. Оиланинг асосий функциялари нафақат никох ёки қон қариндошлик асосида кишиларни бир бирларига нисбатан ғамхўрлик асосида ўзаро хамжихат бўлиб оилавий турмуш кечиришини таъминлаш, аждодлар авлодлар ўртасидаги ворисликни амалга ошириш, балки кишилик жамиятида наслни давом эттириш хисобланади. Мамлакатимизда никохдан ажрашишларни суд узрли хисоблайдиган асосий сабабларидан бири ҳам фарзандсизликдир.

ЎЗБЕКИСТОН РЕСПУБЛИКАСИ ОИЛА ҚОНУНЧИЛИГИНИ ТАКОМИЛЛАШТИРИШ ИСТИҚБОЛЛАРИ

Р.А. Хатамов — Tue, 21 Nov 2023 00:00:00 +0000

Бугунги шиддат билан ўзгариб бораётган глобаллашув даврига келиб ҳам Ўзбекистон ўз истиқболи ва келажагини оилани ривожлантириш, уни эъзозлашда, деб билаётгани барчамизга маълум. Шундан келиб чиқиб, миллий қадрият ва анъаналаримизни сақлаган ҳолда замонавий, намунали ва фаровон оилани барпо этиш давлат сиёсатининг устувор йўналишларидан бирига айлангани ҳам сир эмас. Зеро, муҳтарам юртбошимиз таъкидлаганларидек «Оила кичик ватан, оила тинч бўлса, бахтли бўлса, ватан тинч бўлади».

ИЧКИ ИШЛАР ОРГАНЛАРИ ХОДИМИНИНГ ҚОНУНИЙ ТАЛАБЛАРИНИ БАЖАРМАСЛИК ҲУҚУҚБУЗАРЛИГИГА ДОИР ИШЛАРНИ ЮРИТИШГА ДОИР АЙРИМ МУЛОҲАЗАЛАР

Насиллоев Абдулло Аброр ўғли, Хўжаярова Нилуфар Немат қизи — Tue, 21 Nov 2023 00:00:00 +0000

Ички ишлар органлари ходимининг қонуний талабларини бажармаслик ҳуқуқбузарлигига доир ишларни юритиш – бу, қонун ҳужжатлари ва маъмурий процессуал нормалар асосида ички ишлар органлари ходимининг қонуний талабларини бажармаслик ҳуқуқбузарлигига доир ишларни юритиш ёки кўриб чиқиш ваколатига эга бўлган органлар ва мансабдор шахсларнинг фаолиятидир. Мазкур ҳуқуқбузарликка доир ишларни юритиш бешта босқичдан иборат бўлиб, биринчиси, маъмурий ҳуқуқбузарликка доир ишни қўзғатиш, иккинчиси, далиллар йиғиш, учинчиси, процессуал ҳужжатлар расмийлаштириш, тўртинчиси, ҳуқуқбузарликка доир ишни кўриб чиқиш бешинчиси, маъмурий ҳуқуқбузарликка доир ишни тугатишдан иборат.

ЎЗБЕКИСТОНДА ҚУРОЛ ВА ЎҚ-ДОРЛАРНИ ЛИЦЕНЗИЯЛАШНИНГ НАЗАРИЙ АСОСЛАРИ ВА МАЪМУРИЙ-ҲУҚУҚИЙ ТАБИАТИ

Норбутаев Эркин Хўрозович — Tue, 21 Nov 2023 00:00:00 +0000

Дунё давлатларининг тажрибаси жамоат тартиби ва жамоат хавфсизлигини таъминлаш вазифалари аксарият ҳолларда ҳуқуқни муҳофаза қилувчи органларнинг зиммасига юклатилганлигини кўрсатади.

КИБЕРЖИНОЯТЧИЛИК ВА УНИНГ ЎЗИГА ХОС ШАКЛЛАНИШ ДАВРЛАРИ

Таштемиров Анвар Алиқулович — Tue, 21 Nov 2023 00:00:00 +0000

Мақолада кибержиноятчилик тушунчаси, унинг тарихан шаклланган давр ва маконлари, кўринишлари ҳамда унга қарши курашишда халқаро ва миллий қонунчилик нормаларида белгиланган ҳуқуқий актлар шунингдек ушбу турдаги жиноятларга қарши курашишда мавжуд қонунчилик тизимининг ижтимоий жараёнлардаги ўрни ва аҳамияти ҳақида маълумотлар келтирилган. Хулоса сифатида, кибержиноятларнинг янги-янги турлари ва шаклларини ўз вақтида ўрганиш, таҳлил этиш ва унга қарши курашишга оид нормаларни ишлаб чиқишнинг долзарблиги юзасидан тавсиялар берилган.

МАҲКУМЛАР ТОМОНИДАН ЖИНОЯТЧИЛИКЛАРНИ ОЛДИНИ ОЛИШДА ЖАЗОНИ ИЖРО ЭТИШ МУАССАСАЛАРИДА АМАЛГА ОШИРИЛГАН ИШЛАР ВА ИСТИҚБОЛЛАРИ

Қушбоқов Шоҳрух Хасан ўғли — Tue, 21 Nov 2023 00:00:00 +0000

ушбу мақолада муаллифлар томонидан жазони ижро этиш муассасаларида маҳкумларни қайта тарбиялашни бугунги ҳолати ва маҳкумларни қайта жиноят содир этишни олдини олиш борасида фикр мулоҳазалар юритилган.

ОИЛАДА БОЛА ТАРБИЯСИ ТОИФАЛАРИ ВА ОҚИБАТЛАРИ

Ғаниева Машҳура Нуриддин қизи — Tue, 21 Nov 2023 00:00:00 +0000

мақолада ота-онанинг фарзанд тарбиясида эътибор қаратиши лозим бўлган жиҳатлар ҳамда ота-она ва болаларнинг ўзаро муносабатлари илмий таҳлил қилиниб, бой маданий меросимиз ва миллий қадриятларимиз бола тарбиясида муҳим категориялар сифатида қаралиши кераклиги асослантирилган.

O’ZBEKISTONDA AYOLLAR HUQUQLARI, ERKINLIKLARI VA QONUNIY MANFAATLARI

Qodirova Kamola Toxirjonovna — Tue, 21 Nov 2023 00:00:00 +0000

Maqolada ayollarning huquqlari va qonuniy manfaatlarini amalga oshirish va himoya qilish amaliyotining ayrim xususiyatlariga e’tibor berish zarurati bilan bog’liq masalalar e’tirof etilgan.

КОНСТИТУЦИЯ ШАҲСИЙ ҲУҚУҚ ВА ЭРКИНЛИКЛАРНИНГ БОШ КАФОЛАТИ

Чориев Маҳмуджон Аҳмад ўғли — Tue, 21 Nov 2023 00:00:00 +0000

Ўзбекистон Республикаси Конституциясида инсон ҳуқуқларини ҳимоя қилишга доир масалалар, шаҳсий ҳуқуқлар тушунчаси ва ҳимояқилиш усуллари, уларнинг пайдо бўлиш тарихи, шахснинг ҳуқуқий мақоми тушунчаси унинг мазмун мохияти ва ҳалқаро ҳужжатларда инсон ҳуқуқларини ҳимоя қилишга қаратилган қоидалар ёритиб ўтилган.

ХУСУСИЙ МУЛК ДАХЛСИЗЛИГИГА ДОИР АЙРИМ МУЛОҲАЗАЛАР

Алишер Боротов — Tue, 21 Nov 2023 00:00:00 +0000

Ҳуқуқнинг асосий тамойиллари орасида мулк ҳуқуқининг дахлсизлиги марказий ўринни эгаллайди. Ҳар доим ва барча жамиятларда мулк доимий устувор ғояларнинг бош омилларидан бири бўлиб келган.

НИКОҲДАН АЖРАТИШГА ОИД ИШЛАРНИ СУДДА КЎРИШНИНГ ХУСУСИЯТЛАРИ

Турсунова Наргиза Ахтамовна — Tue, 21 Nov 2023 00:00:00 +0000

Оила жамиятнинг асосий бўғини ва устуни ҳисобланади. Жамиятнинг асоси оиладан бошланади, качонки оила мустаҳкам бўлса, давлат ҳам мустаҳкам бўлади. Шу сабабли мамлакатимизда “Оила” институти ҳар доим давлат эътиборида бўлиб келган. Бугунги кунда суд амалиётида энг кўп учрайдиган фуқаролик ишига оид низолардан бири бу эр ва хотиннинг никоҳ ажримидир. Кейинги йилларда мамлакатимизда ажримлар сони ортиб бораётганлиги, унга ечим топиш давлат ва жамият олдида турган энг муҳим муамммолардан бири эканлиги ҳеч кимга сир эмас.

BOLA HUQUQ VA MANFAATLARINI TA`MINLASHNING MEXANIZMLARI

Esanova Kamola Ilhomjon qizi — Tue, 21 Nov 2023 00:00:00 +0000

Ushbu maqolada bola huquqlari, ularni himoya qilinishining yuridik asoslari, ushbu sohada amalga oshirilayotgan ishlar hamda uning mazmun – mohiyati yoritib berilgan.

THE EFFECTIVENESS OF USING TECHNOLOGY IN LEARNING ENGLISH

Fotima Kenjaeva , Saulat Seytmuratov — Tue, 21 Nov 2023 00:00:00 +0000

This article found out about the effectiveness of using technology in learning English. However, a few studies have shown that the students bring a strong potential to enhance language skills and promote the process of learning English quickly by technology.

ОИЛА-ТУРМУШ ДОИРАСИДАГИ ҲУҚУҚБУЗАРЛИКЛАРНИНГ ТУШУНЧАСИ

Умирзаков Бегзод Атабоевич — Wed, 22 Nov 2023 00:00:00 +0000

Жамиятда муқаддас ҳисобланувчи, оилавий муносабатларга таҳдид солувчи, уни издан чиқарувчи, фарзандлар тарбиясига салбий таъсир этувчи оила-турмуш доирасидаги ҳуқуқбузарликларни ўрганиш, уни ҳуқуқий жиҳатдан таҳлил қилиш муҳим вазифалардан бири ҳисобланади.