IJTIMOIY MOBILLIK VA TA’LIM TIZIMI ISLOHOTLARI: O‘ZBEKISTON TAJRIBASI

Аннотация:

Zamonaviy jamiyatda ijtimoiy mobillikning eng muhim omillaridan biri ta’lim tizimidir. Chunki ta’lim shaxsning bilim va malakasini oshirib, uni jamiyatdagi yuqori ijtimoiy pog‘onalarga ko‘tarilishiga sharoit yaratadi. O‘zbekiston mustaqillik yillaridan buyon ta’lim sohasida keng ko‘lamli islohotlarni amalga oshirib, fuqarolarning ijtimoiy mobilligini ta’minlashni milliy siyosatning asosiy ustuvor yo‘nalishiga aylantirdi. Ayniqsa, Yangi O‘zbekiston davrida ta’lim tizimini modernizatsiya qilish va xalqaro standartlarga moslashtirish ijtimoiy mobillikni oshirishda hal qiluvchi ahamiyat kasb etmoqda.