ORTA AZIYADA SUFIZM TARIQATLARÍ

Abstrak

Milliy hám diniy qádiriyatlarımız ásirler dawamında óz-ara baylanıslı bolǵanlıqtan Oraylıq Aziyanıń  jámiyetlik-siyasiy, ekonomikalıq, ruwxıy turmısın úyreniwde islam dini tariyxın ilimiy tiykarda izertlew áhmiyetli orın tutadı. Islam dininiń ajıralmas bólegi bolǵan sufizm táliymatı orta ásirlerden baslap Oraylıq Aziyanıń jámiyetlik siyasiy turmısında áhmiyetli  rol oynaǵan. Islam dininiń keń aymaqlarǵa kirip barıwı hám tarqalıwı jergilikli xalıqtıń turmısın túpten ózgertip ózine tán mádeniyattıń qáliplesiwine túrtki boldı.  Islam mádeniyatına sufizm wákillerin jetkerip bergen Oraylıq Aziya mektepleriniń xızmeti XII ásirden - XX ásir baslarına shekem úlkeniń sociallıq turmısında óz áhmiyetin saqlap qala aldı. Bul mektepler óz rawajlanıwı barısında jergilikli úrp-ádetler hám mádeniyatqa islam miyrasların maslastırıp, siyasiy turmısta jetekshilik qılıwday  basqıshların basıp ótti.