IQTISODIY O‘SISH AHOLI FAROVONLIGINING OMILI SIFATIDA

Abstrak

Jamiyatning farovonligi ko‘p jihatdan uning imkoniyatlari yoki milliy boylik deb ataladigan salohiyati bilan belgilanadi. U turli xil xarakter va ta’sir darajasiga ega bo‘lgan ko‘plab omillar ta’sirida shakllanadi. Bu omillar hayotiy zarur ne’matlarni ishlab chiqarish, taqsimlash, ayirboshlash va iste’mol qilishga ta’sir ko‘rsatadi, insonning ehtiyojlari qondiriladigan tabiiy va ijtimoiy muhitning holatini belgilaydi. Ammo iqtisodiy o‘sish farovonlikning yagona omili emas. Ijtimoiy va ekologik omillar ham muhim ahamiyatga ega. Insoniyat resurslarini, ya’ni real boyliklarni, shu jumladan tabiiy resurslarni baholash barqaror rivojlanish yo‘liga o‘tish uchun siyosatdagi qanday o‘zgarishlar zarurligini yaxshiroq tushunishga imkon beradi. Maqolada aynan shu haqda bayon etilgan.