XALQ ICHIDA MUOMALA MADANIYATI

Abstrak

So‘z-nutq Alloh taoloni insonga bergan ulug‘ ne’matlaridan biri. So‘z bilan odamlar bir-birlariga o‘zlarining  hohishlari, istaklarini bildiradilar. So‘z bilan kishi o‘zi haqidagi, narsalar haqidagi haqiqatni bayon qiladi. So‘z bilan kishi o‘zini roziligini, noroziligini isxor qiladi. So‘z bilan kishining aqli-iymoni ko‘riladi. So‘z bilan ummatlar yuksaladi, yoki fitnaga duchor bo‘ladi. So‘z bilan insonlar maqtaladi, yoki yomonlanadi. So‘z insonlar qalbining tarjimoni. So‘z insonni ichki dunyosining ko‘zgusi. Gapirayotgan gapiga qarab, u odamni ichki dunyosi qandayligini bilsa bo‘ladi. So‘z inson ruhiyatini, iqtidori, istedodi talantini ko‘zgusi. So‘z insoning hosilasi, so‘z bilan biz insonlar Robbimizga itoat qilamiz, yoki osiy bo‘lamiz. So‘z bilan inson boshqa odamlar orasini yo isloh qiladi, yoki buzadi. So‘z bilan inson najotga yetadi, yoki abadiy halokatga uchraydi. Musulmon odam so‘zlar ekan uni so‘zi odamlarni qalbini jamlashi kerak.