FOTOPOLIMERIZATSIYA TEXNOLOGIYASINING SAMARADORLIGINI OSHIRISH YÒLLARI

Аннотация

Zamonaviy stomatologiyada fotopolimer materiallar keng qo‘llaniladi. Ularning mustahkamligi, estetikasi va biologik moslashuvchanligi ko‘p jihatdan fotopolimerizatsiya jarayonining sifatiga bog‘liq. Fotopolimerizatsiya – yorug‘lik ta’sirida kompozit materiallarning qotish jarayonidir. Mazkur maqolada fotopolimerizatsiyaning asosiy bosqichlari, unga ta’sir qiluvchi omillar – nur manbai turi, yoritish vaqti, qatlam qalinligi, optik sharoitlar, kompozit tarkibi va boshqa texnik jihatlar yoritiladi. Fotopolimerizatsiya samaradorligini oshirish uchun qo‘llaniladigan zamonaviy texnologiyalar (LED-lampalar, bosqichli yoritish, mo‘ljallangan optik burchaklar) va ularning afzalliklari tahlil qilinadi. Yaxshi polimerizatsiyalangan plomba uzoq muddatli xizmat, to‘liq qotish va estetik ko‘rinish kafolati hisoblanadi.