O‘ZBEKISTON-MISR: TA’LIM SOHASIDA HAMKORLIK

Abstrak

O‘zbekistonning zamonaviy tashqi siyosati XXI asrning jadal o‘zgarib borayotgan xalqaro siyosiy voqeliklarini hisobga olgan holda shakllantirilmoqda, ular chuqur o‘ylangan, tashabbuskor va pragmatik tashqi siyosat yo‘nalishini amalga oshirishni, yuzaga kelayotgan muammolarga o‘z vaqtida va munosib javob berishni talab qiladi. Bu, o‘z navbatida, yangi O‘zbekistonning 2022-2026 yillarga mo‘ljallangan rivojlanish strategiyasida aks etadi. Hozirgi kunga kelib o‘zaro manfaatlarga asoslangan xalqaro hamkorlik, xossatan ta’lim sohasida, har qanday davlatning maqsadi hisoblanadi, chunki u nafaqat samarali ta’lim olish imkoniyatining paydo bo‘lishi hamda professor-o‘qituvchilarni ta’lim darajasini rivojlantirish jarayoniga jalb qilishga, balki iqtisodiyotni rivojlantirishga ham o‘z hissasini qo‘shib kelmoqda.