SAVOLNOMA ASOSIDA KAPSULALI KIYIMLARNI LOYIHALASH AYOLLAR GARDEROBINING MUAMMOLARI FASTFASHION

Abstrak

Ushbu maqolada ayollar garderobida uchraydigan muammolar, fast fashion oqimining salbiy ta’siri hamda kapsulali kiyimlar konsepsiyasi asosida samarali garderobni shakllantirish masalalari tahlil qilinadi. Savolnoma natijalari asosida iste’molchilarning kiyim tanlashdagi odatlari, ehtiyojlari va muammolari o‘rganilib, kapsulali garderobni loyihalash bo‘yicha tavsiyalar ishlab chiqilgan. Ilmiy adabiyotlarda kapsulali garderob tushunchasi minimal kiyimlar orqali maksimal kombinatsiyalar yaratishga asoslangan tizim sifatida izohlanadi. Tadqiqotchilar ushbu yondashuvni barqaror moda (sustainable fashion) konsepsiyasining muhim qismi sifatida ko‘rib chiqadilar. Zamonaviy tadqiqotlarda fast fashionning ekologik va ijtimoiy salbiy ta’siri keng yoritilgan. Shuningdek, iste’molchilarning ongli xarid qilish madaniyatini shakllantirish zarurligi ta’kidlangan. Ushbu muammolarga javob sifatida, kapsulali garderob konsepsiyasi nafaqat shaxsiy uslubni soddalashtirish usulini, balki barqaror rivojlanishga yanada ongli hissa qo‘shish imkoniyatini ham taqdim etadi. O’rta yoshdagi ayollar uchun kapsulali kolleksiya loyihalashga bo'lgan munosabat, bilim va yondashuvlar, uning tarixiy rivojlanishi, O’zbekistonlik brendlarning kapsulali kolleksiyalarni ishlab chiqishga yondashuvlarning tahlili, zamonaviy va kelajak modasida kapsulali kolleksiyadagi libos assortimentini rejalshtrish mohiyati, xaridorlar talabini o’rganish foydalanish haqida ma'lumot to'plandi. Kapsulali garderob — bu o‘zaro uyg‘unlashadigan, universal va cheklangan miqdordagi kiyimlardan tashkil topgan kolleksiya hisoblanadi.