XUSHBO‘Y KALLEZIYA O‘SIMLIGIDAN OLINGAN QURUQ EKSTRAKT TAHLILI

Abstrak

Hozirgi kunda tibbiyotda tabiiy manbaalardan olinayotgan preparatlarga bo‘lgan ehtiyoj tobora ortib bormoqda. Ayniqsa yurtimizda mahalliy xomashyo asosida ishlab chiqariladigan dori preparatlari hajmini kengaytirishga bo‘lgan talab oshib, bu yo‘nalishga e’tibor yanada kuchaytirilmoqda. Ana shunday dorivor xususiyatga ega bo‘lgan, xalq tabobatida keng qo‘llanilib kelinayotgan “Callisia fragrans” o‘simligi ham shular jumlasiga kiradi. Chunki bu o‘simlik juda kuchli davolovchi xossaga ega bo‘lib, xalq tabobatida turli kasalliklarni davolashda foydalanilmoqda.