Yevrosiyo tibbiyot va tabiiy fanlar jurnali

Ushbu maqolada  Anthemis tinctoria L. o`simligining shifobaxsh xususiyati uning ildizlarida poliasetilen, gullarida flavonoid, glyukozid, efirmoyi birikmalarining mavjudligi bilan bog‘liqligi keltirilgan.  Bundan tashqari bu o`simlik tarkibida inson organizmi uchun foydali bo`lgan kversetin, kauchuk, Vitamin R, ksantofill, rang beruvch moddalar va alkaloidlar saqlaydi. Bunda sariq romashka (Anthemis tinctoria L.) o‘simligi tarkibidagi ta'sir etuvchi biofaol moddani ajratib olishda quyidagi ajratuvchilar qo‘llanilib, bir qancha tajribalar olib borildi. Ajratuvchi sifatida tozalangan suv, etil spirtining xar xil foizdagi kontsentratsiyasi, ya'ni 40, 70, 90, 96% li etil spirtidan foydalanildi. YuSSX usuli yordamida Anthemis tinctoria L. o‘simligi xom ashyosidan olingan suyuq ekstrakti tarkibidagi flavonoidlar miqdori aniqlandi,  bunda  “Agilent 1260 Infinity”, spektrofotometrik detektor, xramotografik kolonka Agilent S18 5 mkm, 4.6x250 mm, gradiyent rejimda amalga oshirilganligi haqida ma'lumot berilgan.

В статье подчёркивается, что корректная физиологическая интерпретация показателей крови требует перехода от «среза значений» к моделированию динамики во времени и контекстной нормализации под индивидуальные условия. Сделан вывод о том, что наиболее перспективным направлением является интеграция клеточных, биохимических и реологических данных в единые функциональные индексы, позволяющие сравнивать адаптационные профили и выявлять ранние нарушения регуляции до клинических проявлений.

Organizmda suv muvozanatining buzilishi ko‘plab fiziologik jarayonlarga sezilarli ta’sir ko‘rsatadi. Degidratatsiya sharoitida yuzaga keladigan gemokontsentratsiya, mikrotsirkulyator buzilishlar va to‘qimalarda gipoksiya immun tizimining turli komponentlariga, xususan ichak bilan bog‘liq limfoid to‘qimalarga salbiy ta’sir ko‘rsatishi mumkin. Ichak limfa tizimi, jumladan Peyer pilakchalari va solitar limfa follikulalari mahalliy immun javobni shakllantirishda muhim rol o‘ynaydi. Mazkur tadqiqotning maqsadi eksperimental degidratatsiya sharoitida ingichka ichak limfa follikulalarining morfologik va morfometrik o‘zgarishlarini aniqlashdan iborat. Tadqiqot laboratoriya sharoitida oq kalamushlarda o‘tkazildi. Eksperimental guruh hayvonlarida degidratatsiya suyuqlik qabulini cheklash orqali modellashtirildi. Olingan ichak to‘qimalari gistologik usullar yordamida o‘rganildi va morfologik tahlil o‘tkazildi. Tadqiqot natijalari degidratatsiya sharoitida ichak limfa follikulalarida limfotsitlar sonining kamayishi, hujayra tarkibining o‘zgarishi hamda limfa kapillyar tarmog‘ida morfologik qayta tuzilishlar yuzaga kelishini ko‘rsatdi. Bundan tashqari, ichak devori qatlamlarida distrofik va destruktiv jarayonlarning kuchayishi kuzatildi. Olingan natijalar degidratatsiya sharoitida ichak immun tizimining strukturaviy o‘zgarishlarini aniqlashga yordam beradi hamda suv yetishmovchiligi bilan bog‘liq patologik jarayonlarning patomorfologik mexanizmlarini tushunishga xizmat qiladi.

Tish pulpitlari — bu tish pulpasining yallig‘lanishi bilan kechadigan kasallik bo‘lib, terapevtik stomatologiyada keng tarqalgan patologiyalardan biridir. Mazkur ishda pulpitlarning kelib chiqish sabablari, klinik belgilari va zamonaviy davolash usullari tahlil qilinadi. Biologik (konservativ) davolash, vital amputatsiya hamda devital ekstirpatsiya usullarining afzalliklari va qo‘llanilish ko‘rsatmalari yoritilgan. Zamonaviy og‘riqsizlantirish va stomatologik materiallar davolash samaradorligini oshirishga xizmat qiladi. To‘g‘ri tanlangan davolash usuli tishni saqlab qolishda muhim ahamiyat kasb etadi