YANGI O‘ZBEKISTONDA RAQAMLI TA’LIMNING RIVOJLANISHI (SAMARQAND VILOYATI MISOLIDA)

Abstrak:

Ushbu ilmiy maqolada, O‘zbekiston taraqqiyotining yangi davrida mamlakatimizda raqamli ta’limni rivojlantirish maqsadida amalga oshirilgan ishlar va ularning natijalari Samarqand viloyati misolida o‘rganilgan.

Xususan, 2017-yildan so‘ng mamlakatimizda raqamli ta’limni amalga oshirish borasida davlat rahbari va hukumat tomonidan qabul qilingan normativ hujjatlar va ularning soha rivojidagi ahamiyati bayon etilgan. O‘zbekiston Respublikasi Prezidentining 2020-yil 5-oktabrdagi “Raqamli O‘zbekiston — 2030” strategiyasini tasdiqlash va uni samarali amalga oshirish chora-tadbirlari to‘g‘risida”gi PF-6079-son farmonining qabul qilinishi natijasida ta’lim jarayoniga zamonaviy axborot-kommunikatsiya texnologiyalarini qo‘llagan holda ta’limni boshqarishni avtomatlashtirish va har tomonlama tahlil qilib borish tizimini yaratish maqsadida amalga oshirilgan islohotlar natijasida Samarqand viloyatida raqamli ta’lim sohasida erishilgan yutuqlar tahlil etilgan.