HUQUQIY AXBOROT TIZIMLARIDA MAXFIYLIK VA SHAXSIY MA’LUMOTLARNI HIMOYA QILISH

Аннотация:

 Huquqiy axborot tizimlarida maxfiylik hamda shaxsiy ma’lumotlarning himoyasi juda muhim ahamiyat kasb etuvchi dolzarb mavzulardan biriga aylanib kelmoqda. Zamonaviy raqamli davrda shaxsiy ma’lumotlarni himoya qilish va axborot maxfiyligini ta’minlash milliy va xalqaro huquq tizimlarining eng asosiy ustuvor yo‘nalishlaridan biri hisoblanadi. Ushbu maqolada O‘zbekiston huquqiy axborot tizimlarida ma’lumotlarni himoya qilishning huquqiy mexanizmlari tahlil qilinadi.Mazkur tahlilda, O‘zbekiston Respublikasining “Shaxsiy ma’lumotlar to‘g‘risida”, “Axborotlashtirish to‘g‘risida”, “Elektron hukumat to‘g‘risida”gi qonunlari hamda Yevropa Ittifoqining GDPR, Yevropa Kengashining 108-konvensiyasi va Yevropa Ittifoqi Adliya sudi amaliyoti o‘rganilgan. Tahlil natijalari shuni ko‘rsatadiki, O‘zbekistonning huquqiy bazasi shaxsiy ma’lumotlarni himoya qilish uchun mustahkam asos yaratib, xalqaro standartlar bilan mos keladi va shaxslarning raqamli muhitdagi ma’lumotlarini boshqarish va himoya qilish huquqlarini kafolatlaydi. Milliy va xalqaro normalarni uyg‘unlashtirish O‘zbekistonda xavfsiz, shaffof va barqaror raqamli tizimini shakllantirishga xizmat qiladi.