YUVENAL YUSTITSIYANING TARIXIY RIVOJLANISH JARAYONI VA SHAKLLARI

Аннотация:

Ma’lumki, har bir huquqiy tushunchalar, normalarning vujudga kelishi tarixga borib taqaladi. Ya’ni, bugungi kunga yetib kelguncha turli tarixiy jarayonlardan bosqichlardan o‘tib keladi. Shu o‘rinda, yuvenal yustitsiyaning ham bugungi kundagi rivojlanish jarayonlarining o‘zaklari, uning asoslari tarixiy va xorijiy tajribadan kelib chiqib o‘rganilmoqda. Chunki uning tarixini, shakllanishini o‘rganish orqali, ushbu tushunchaning mazmun-mohiyatini to‘g‘ri tushunib, anglay olishimiz mumkin. tarixini bilish uning mohiyatini ochish va rivojlanish istiqbollarini anglash kalitini qo‘lga kiritish deganidir. Bu, ayniqsa, yuvenal yustitsiya (voyaga yetmaganlar yustitsiyasi) uchun juda dolzarbdir. Uning tarixini bilmasdan, bu tizimning o‘ziga xosligini his etish qiyin: nima uchun ilgari yuvenal yustitsiya bo‘lmagan va nima sababdan u paydo bo‘lgan? Nima uchun yuvenal yustitsiya umumiy protsessual qonuniyatlardan chetga chiqadi, lekin shunga qaramay samarali deb hisoblanadi? Va nihoyat, nima uchun aynan yuvenal yustitsiya kelajak adolati timsoli sifatida qaralgan?