TOG‘AY MUROD ROMANLARIDA TIMSOL VA METAFORA

Аннотация:

Tog‘ay Murod asarlari o‘zbek tilidagi noyob o‘xshatishlarni, milliylikni adabiyotga keng qamrovda olib kirdi. “Tog‘ay Murod o‘zbekka o‘z nasriy ruhini qaytarib berdi. U o‘qirmanlari qalbida or tuyg‘usini, yaqin insonlari uchun tirgak bo‘lish, ma’suliyatni olishga harakat qildi” - deb ta’kidladi adabiyotshunos olim Qozoqboy Yo‘ldoshev. Tog‘ay Murod – o‘zbek adabiyotiga betakror uslub kiritgan yozuvchi sifatida kitobxonlarning sevimli adibiga aylandi. Tog‘ay Murod asarlarida go‘zal o‘xshatishlar va timsollar asarni yanada jonliroq qilishga xizmat qilgan. Har bir asarda yozuvchining yashab o‘tgan makon va zamonga xos til unsurlari aks etib turadi. Tog‘ay Murodning ilk romani “Otamdan qolgan dalalar” adib ijodidagina emas, milliy adabiyotimizning so‘nmas asarlaridan biridir. “Otamdan qolgan dalalar” ramziy roman. Asarda bosh qahramon Dehqonqul o‘zbek xalqining timsoli sifatida tasvirlangan. Dehqonqul obrazining milliy xarakteri shakllanishida til asosiy o‘rin  tutgan g‘oyaviy-badiiy jihatdan mukammal asardir.