“RAQAMLI TEXNOLOGIYALAR VA INNOVATSION YONDASHUVLAR YORDAMIDA IQTISODIY KOMPETENSIYALARNI RIVOJLANTIRISH VA GLOBAL MEHNAT BOZORIDA RAQOBATBARDOSHLIKNI OSHIRISH”

Аннотация:

Ushbu maqolada zamonaviy raqamli texnologiyalar sharoitida innovatsion tafakkur va global kompetensiyalarni shakllantirishga qaratilgan zamonaviy ta’limiy va texnologik yondashuvlar tahlil qilinadi. Raqamlashtirish jarayonlari ta’lim, iqtisodiyot va ijtimoiy hayotning barcha sohalariga kirib borayotgani, raqamli savodxonlik, kreativ fikrlash, muammolarni yechish, media va axborot madaniyatini rivojlantirishning dolzarbligi asoslab beriladi. Shuningdek, sun’iy intellekt, big data, bulutli texnologiyalar, AR/VR, IoT kabi raqamli vositalarning shaxs kompetensiyalarini kengaytirishdagi roli yoritiladi. Maqolada innovatsion ta’lim metodlari — loyiha asosida o‘qitish, STEAM yondashuvi, onlayn-ta’lim platformalari va real vaqtli interaktiv muhitlarning samaradorligi tahlil qilinadi. Tadqiqot natijalari raqamli texnologiyalar integratsiyasi orqali yoshlarning global mehnat bozorida raqobatbardosh bo‘lishi, ijodkorlik, moslashuvchanlik va kommunikativ ko‘nikmalarining rivojlanishiga erishish mumkinligini ko‘rsatadi.