QAD QOMAT BUZULISHLARI BO‘LGAN BOLALARNING KOMPLEKS REABILITATSIYASIDA AN‘ANAVIY GIMNASTIKA ELEMENTLARINI QO‘LLASH VA SAMARADORLIGINI BAHOLASH

Abstract:

Bolalarda qad qomat buzilishlari (skolioz, kifoz, lordoz, holat buzilishlari) so‘nggi yillarda jiddiy ortib bormoqda. JSST ma’lumotlariga ko‘ra, maktab yoshidagi bolalarning 25–30%ida turli darajadagi holat buzilishlari uchraydi. Sedentar turmush tarzi, noto‘g‘ri o‘tirish odatlari, mushak disbalansi va kamharakatlik ushbu muammolarning asosiy omillari hisoblanadi. An’anaviy gimnastika usullari (cho‘zilish, nafas mashqlari, statik-dinamik holatni tuzatish mashqlari) ortopedik reabilitatsiyada keng qo‘llanilib, mushaklar tonusini normallashtirish, umurtqa pog‘onasining biomekanikasini tiklash va bolalarning umumiy jismoniy rivojlanishiga ijobiy ta’sir ko‘rsatishi bilan ajralib turadi. Shuning uchun an’anaviy gimnastikaning kompleks reabilitatsiya tizimidagi samaradorligini baholash dolzarb hisoblanadi.