OLIY TA’LIM TIZIMIDA PEDAGOG KASBIY QADRIYATLARINING TA’LIM FAOLIYATIDAGI AHAMIYATI

Abstract:

So‘nggi yillarda O‘zbekiston oliy ta’lim tizimida amalga oshirilayotgan islohotlar pedagog shaxsiga bo‘lgan talablarni tubdan o‘zgartirmoqda. Ta’lim sifatini oshirish, raqobatbardosh mutaxassislar tayyorlash va akademik muhitni rivojlantirish jarayonida pedagoglarning kasbiy qadriyatlari muhim omil sifatida namoyon bo’lmoqda. Oliy ta’lim pedagogi nafaqat bilim beruvchi, balki ilmiy rahbar, tarbiyachi va ilmiy estetik madaniyatni o’rgatuvchi sifatida jamiyatda alohida o‘rin egallaydi. Shu sababli pedagogning kasbiy faoliyati faqat metodik va didaktik ko‘nikmalar bilan emas, balki uning kasbiy qadriyatlar tizimi bilan ham belgilanadi. Kasbiy qadriyatlar pedagog faoliyatining mazmuni, yo‘nalishi va pedagogic mahoratini aniqlovchi ichki mezonlar majmui sifatida namoyon bo‘ladi.