INTERFAOL TA’LIM MOHIYATI

Abstrak:

Ushbu maqolada hozirgi vaqtda ta’lim jarayonida o‘qitishning zamonaviy metodlari, o‘qitishning zamonaviy metodlarini qo‘llash o‘qitish jarayonida yuqori samaradorlikka erishishga xizmat qilishi, bugungi kunda bir qator rivojlangan mamlakatlarda ta’lim-tarbiya jarayonining samaradorligini kafolatlovchi zamonaviy pedagogik texnologiyalarni qo‘llashda alohida o‘rin tutuvchi metodlar interfaol metodlar nomi bilan yuritilishi haqida ma’lumot berib o‘tilgan. Interfaol metodlar deganda, ta’lim oluvchilarni faollashtiruvchi va mustaqil fikrlashga undovchi, ta’lim jarayonining markazida ta’lim oluvchi bo‘lgan metodlar tushuniladi.  Interfaol usullar o‘quvchini o‘quv-tarbiya jarayonining chinakam subyektiga aylantirib, uni mustaqil fikrlashga o‘rgatadi. Bu usullar o‘quvchilarning fikrini uyg‘otadi, ular ta’lim kechimining obyekti sifatida o‘zlari o‘qibgina qolmay, bu jarayonning ijrochilari sifatida bir-birlarini o‘qitish va tarbiyalash bilan ham shug‘ullanishadi.