MAQOM SAN’ATINING RIVOJLANISH TARIXI VA UNDA ALLOMALARNING TUTGAN O‘RNI

Аннотация:

Qadimiy madaniyat o‘choqlaridan biri bo‘lgan O‘rta Osiyoda yashagan xalqlar jahon fani va
madaniyati xazinasiga salmoqli hissa qo‘shganlar. Ular musiqa madaniyati sohasida ham juda
boy qadimiy merosga ega. O‘rta Osiyo xalqlarining musiqa madaniyati tarixiga doir qadimiy
yozma manbalar va arxeolog olimlar tomonidan topilgan yodgorliklar buning dalili bo‘lib
xizmat etadi hamda bu xalqlarning qadimdan boshlab yuksak madaniyat egalari bo‘lganligini
tasdiqlaydi. Turli davrlardagi jarayonlar, o‘zgarishlar va hukmron kuchlardagi mahalliy
xalqning milliy madaniyatiga bo‘lgan munosabatlar ta’sirida ko‘plab qimmatli manbalar
yo‘qotildi. Shu sababdan O‘rta Osiyo xalqlarining so‘nggi ming yillik madaniyati tarixiga oid
yozma manbalargina bizgacha etib kelgan.