MAKTABGACHA TAʼLIM TASHKILOTLARIDA SOGʻLOM OVQATLANISH

Аннотация:

Maktabgacha taʼlim tashkilotlarida sogʻlom ovqatlanish bolalarning jismoniy, aqliy va ruhiy rivojlanishida muhim o‘rin tutadi. Ilmiy tadqiqotlar shuni ko‘rsatadiki, 3–7 yosh davri bolaning o‘sishi eng faol bo‘ladigan bosqichlardan biri bo‘lib, aynan shu davrda to‘g‘ri va muvozanatli ovqatlanish kelgusidagi sog‘liq holatini belgilab beradi. Maktabgacha yoshdagi bolalar organizmi energiya, oqsil, yog‘, uglevod, vitamin va mineral moddalarga bo‘lgan ehtiyoji bilan ajralib turadi. Shu sababli maktabgacha taʼlim tashkilotlarida ovqatlanish tizimi ilmiy asosda, sanitariya-gigiyena talablariga qatʼiy rioya qilgan holda tashkil etilishi lozim.