TAJRIBAVIY GIPOTIREOZDA TUXUMDONLARDAGI MORFOLOGIK O‘ZGARISHLAR

Аннотация:

Mazkur tadqiqot tajribaviy gipotireoz sharoitida tuxumdonlarda kuzatiladigan morfologik o‘zgarishlarni aniqlashga qaratildi. Gipotireoz – qalqonsimon bez faoliyatining susayishi natijasida organizmda metabolik jarayonlarning buzilishi bilan kechuvchi kasallik bo‘lib, uning salbiy oqibatlari ko‘plab organ va tizimlarda namoyon bo‘ladi. Reproduktiv tizim, xususan, tuxumdonlar qalqonsimon bez gormonlariga sezgir bo‘lib, ularning yetishmovchiligi follikulogenez, ovulyatsiya va steroid gormonlar sekresiyasiga bevosita ta’sir ko‘rsatadi. Tadqiqot davomida laboratoriya hayvonlarida gipotireoz sun’iy ravishda induksiya qilindi va tuxumdonlar gistomorfologik usullar yordamida o‘rganildi. Olingan natijalarda tuxumdonlarning umumiy hajmi va massasi kamaygani, follikulalar soni va diametrining pasayishi qayd etildi. Ayniqsa, o‘suvchi follikulalarning soni nazorat guruhiga nisbatan kamaygan bo‘lsa, atretik follikulalar soni ortgani kuzatildi. Stromal to‘qimalarda fibroz jarayonlar, qon tomirlarida degenerativ o‘zgarishlar va qisman sklerotik elementlarning ko‘payishi aniqlangan. Ushbu o‘zgarishlar tuxumdonlarning normal funksiyasini susaytiradi va reproduktiv salohiyatga salbiy ta’sir ko‘rsatadi.