NAVOIY VILOYATI ZIYORATGOHLARI: TARIXI VA RIVOJLANISH BOSQICHLARI

Аннотация:

Oʻzbekiston Respublikasi mustaqillikni qoʻlga kiritganidan keyin yurtimiz, xalqimiz tarixini chuqur oʻrganish, uni ilmiy asosda haqqoniy tadqiq etish, qadimiy manbalarni xolislik bilan asl holida tiklash, davlatchilik tarixining ildizlarini ochib berish respublikamiz madaniy-ma'naviy hayotidagi asosiy masalalardan biriga aylandi. Shu asosda Oʻzbekistonda tarixiy va madaniy yodgorliklarni muhofaza qilishning huquqiy asoslari yaratildi. Oʻzbekiston Respublikasining Konstitusiyasi va boshqa qator qonunchilik hujjatlarida davlat idoralari va fuqarolarning bu boradagi burch va vazifalari aniq-ravshan koʻrsatib berildi. Jumladan, Oʻzbekiston Respublikasi Konstitusiyasining 61-moddasida quyidagilar ta'kidlangan: “Fuqarolar Oʻzbekiston xalqining tarixiy, ma'naviy, madaniy, ilmiy va tabiiy merosini avaylab-asrashi shart. Tarixiy, ma’naviy, madaniy, ilmiy va tabiiy meros davlat tomonidan muhofaza qilinadi”.