RAQAMLI IQTISODIYOT DAVRIDA KORXONALAR FAOLIYATINI DIVERSIFIKATSIYALASHNING AHAMIYATI

Аннотация:

Mazkur tezisda raqamli iqtisodiyot sharoitida korxonalar faoliyatini diversifikatsiyalashning zaruriyati va uning iqtisodiy barqarorlikka ta’siri yoritiladi. Global raqobatning kuchayishi, texnologik innovatsiyalarning tezkor joriy etilishi hamda iste’molchilar talabining o‘zgarishi korxonalarni yangi mahsulot va xizmat turlarini ishlab chiqishga undamoqda. Raqamli texnologiyalar — sun’iy intellekt, katta ma’lumotlar, bulutli platformalar va elektron tijorat — diversifikatsiya jarayonini jadallashtirib, korxonalarga bozor tahlilini takomillashtirish, xarajatlarni qisqartirish va yangi segmentlarga kirish imkonini beradi. Ishlab chiqarishdan tortib xizmat ko‘rsatishgacha bo‘lgan turli yo‘nalishlarga kengayish korxona risklarini kamaytiradi, barqaror daromad oqimini ta’minlaydi va raqobatbardoshlikni oshiradi. Tadqiqot natijalari shuni ko‘rsatadiki, raqamli iqtisodiyot davrida diversifikatsiya – korxonalarning moslashuvchan, innovatsion va uzoq muddatli rivojlanishga yo‘naltirilgan strategiyasi sifatida muhim ahamiyat kasb etadi.