TIJORAT BANKLARIDA MUAMMOLI KREDITLAR BILAN ISHLASH AMALIYOTINI TAKOMILLASHTIRISH USULLARI

Abstract:

Hozirgi davrda moliyaviy sektorning barqaror rivojlanishi mamlakat iqtisodiy o‘sishining muhim omillaridan biri hisoblanadi. Ayniqsa, tijorat banklari faoliyatining sifatli yuritilishi, kredit portfelining holati va kredit risklarini samarali boshqarish tizimi moliyaviy barqarorlikni ta’minlashda katta rol o‘ynaydi. Shu nuqtayi nazardan, muammoli kreditlar bilan ishlash amaliyotini takomillashtirish bugungi kunning dolzarb masalalaridan biri sifatida qaralmoqda. Muammoli kreditlar (non-performing loans, NPL) bank faoliyatida yuqori darajadagi xavfni bildiradi, bu esa bankning foydaliligini pasaytiradi, kapital yetarliligi va likvidlik darajasiga salbiy ta’sir ko‘rsatadi. O‘z navbatida, bu butun bank tizimi va iqtisodiyotga salbiy ta’sir ko‘rsatadi.