SUG‘URTA BOZORIDA RAQOBATBARDOSHLIKNI OSHIRISH OMILLARI VA MOLIYAVIY BARQARORLIKKA TA’SIRI

Аннотация:

Bozor munosabatlari chuqur integratsiyalashib borayotgan bugungi sharoitda sug‘urta sektori iqtisodiyotning eng muhim va barqarorlikni ta’minlovchi mexanizmlaridan biri darajasiga ko‘tarilmoqda. Sug‘urta bozorining samarali ishlashi nafaqat xo‘jalik yurituvchi subyektlar, balki butun jamiyatning iqtisodiy xavfsizligiga bevosita ta’sir ko‘rsatadi. Aynan shuning uchun sug‘urta kompaniyalarining raqobatbardoshligini oshirish va moliyaviy barqarorligini mustahkamlash bugungi kunning eng dolzarb vazifalaridan biri hisoblanadi. Raqobat muhiti kuchaygan sari kompaniyalar innovatsion xizmatlar, professional risk-menejment, raqamli texnologiyalar, mijozlar ehtiyojiga moslashtirilgan mahsulotlar orqali o‘z ustunligini belgilashga harakat qilmoqda. Aholi va biznes subyektlarining iqtisodiy faolligi oshgani, integratsiyalashgan moliya bozorining shakllanishi, iqlim o‘zgarishlari kabi global risklar sug‘urtaning rolini yanada muhimlashtirib, sektorning raqobatbardoshligini oshirishni strategik ehtiyojga aylantirdi.