IJTIMOIY HIMOYANI IJTIMOIY SUG‘URTA ORQALI YO‘NALTIRISH

Abstrak:

O‘zbekiston  Respublikasi  Prezidentining “2022-2026 yillarga mo‘ljallangan Yangi O‘zbekistonning taraqqiyot strategiyasi to‘g‘risida”gi Farmoniga asosan tasdiqlangan taraqqiyot strategiyasining “Adolatli ijtimoiy siyosat  yuritish,  inson  kapitalini  rivojlantirish” nomli to‘rtinchi yo‘nalishida belgilangan “54 maqsad –pensiya ta’minoti tizimini takomillashtirishga bag‘ishlangan bo‘lib, bunda fuqarolarning pensiya miqdorlari mamlakatning iqtisodiy  ko‘rsatkichlariga  muvofiq  izchil oshib borishini ta’minlash vazifasi belgilab quyilgan”. Pensiya  ta’minoti tizimi  har bir mamlakatning aholini  ijtimoiy  himoya qilishda  muhim dastagi hisoblanadi. Bunda, asosan belgilangan muddatlarda  pensiya  uchun badallar  o‘tkazib  borgan,  mehnat  layoqatini butunlay yoki vaqtincha yo‘qotgan, boquvchisidan mahrum  bo‘lgan  shaxslarni  pensiyalar  orqali ularni moddiy ta’minlash tushuniladi, ya’ni pensiya ayrim toifadagi shaxslar uchun davlatning eng muhim ijtimoiy  kafolatlaridan biridir.