YEVROPA MANBALARIDA MARKAZIY OSIYO XALQLARINING NOMODDIY MADANIY MEROSI VA O‘LKANING ETNOGRAFIK TAVSIFI

Аннотация:

Ushbu maqolada Markaziy Osiyo xalqlarining Nomoddiy madaniy merosi, jumladan qadriyatlari, marosim, bayram va urf-odatlari hamda etnografiyasi va uning Yevropa manbalaridagi tavsifi xususida so‘z boradi.  Markaziy Osiyo xalqlari etnografiyasiga oid ilmiy ahamiyatga ega materiallar to‘plash davri keng man‘oda XIX asrdan boshlandi. Ushbu davrdagi ko‘pgina yirik ekspeditsiyalarning asosiy bazasi hisoblangan Orenburg shahri bu sohada muhim rol o‘ynagan edi. XIX asrning ikkinchi yarmi - XX asrning boshlarida o‘zbeklar va Markaziy Osiyoning boshqa xalqlarini etnologik jihatdan o‘rganishda muhim qadamlar tashlangan edi. Mustamlakachilik siyosatiga amal qilib kelgan fanning tor doiradagi ta’limoti va cheklangan imkoniyatlariga qaramay, o‘sha davrdayoq Turkiston xalqlari tarixi va etnografiyasiga oid boy ma’lumotlar keyingi tadqiqotlar uchun muhim fundament vazifasini bajargan edi.