ASQAD MUXTOR ASARLARINI OʻRTA VA OLIY TA'LIMDA OʻQITISH MUAMMOLARI

Abstract:

Ushbu maqolada Asqad Muxtor asarlarini oʻrta va oliy taʼlimda oʻqitish jarayonida uchraydigan asosiy muammolar tahlil qilinadi. Xususan, asarlarning murakkab badiiy-falsafiy mazmuni, zamonaviy o‘quvchi va talabalarning dunyoqarashi hamda savodxonlik darajasidagi tafovutlar, o‘qituvchilarning metodik tayyorgarligi va malakasidagi yetishmovchiliklar muammo sifatida ko‘rsatib o‘tiladi. Shuningdek, Asqad Muxtor ijodining o‘ziga xos uslubi hamda badiiy qatlamini ta’lim jarayoniga moslashtirish uchun zamonaviy yondashuvlar, interfaol metodlar va innovatsion texnologiyalardan foydalanish zarurligi ta’kidlanadi. Tadqiqot natijalariga ko‘ra, Asqad Muxtor asarlarini zamonaviy ta’lim metodlari asosida o‘qitish o‘quvchi va talabalar tafakkurini boyitish, tahliliy fikrlash ko‘nikmalarini rivojlantirishga xizmat qilishi aniqlanadi.