SPORT MAKTABLARI VA KLUBLARIDA MOLIYAVIY BOSHQARUVNI TAKOMILLASHTIRISHNING ZAMONAVIY YO‘LLARI

Аннотация:

Sport sohasi jamiyatning ijtimoiy-iqtisodiy rivojlanishida muhim o‘rin tutadigan strategik yo‘nalishlardan biri bo‘lib, uning samarali faoliyat yuritishi zamonaviy infratuzilma, moliyaviy barqarorlik va boshqaruv tizimlarining rivojlanganligi bilan bevosita bog‘liqdir. Mamlakatlarda sportning ommaviylashuvi, professional sportchilar tayyorlash, xalqaro musobaqalarni tashkil etish hamda aholining jismoniy faolligini oshirish kabi vazifalarni bajarish katta hajmdagi investitsiyalarni talab etadi. Shu bilan birga, sport majmualari, suzish havzalari, futbol stadionlari, ko‘p funksiyali arenalar, sport maktablari va boshqa infratuzilma obyektlarini barpo etish va ularni muntazam ravishda modernizatsiya qilish davlatning moliyaviy salohiyati bilan cheklanishi mumkin. Ana shunday sharoitda davlat-xususiy sheriklik (Public–Private Partnership, PPP) modeli sport sohasiga xususiy kapitalni keng miqyosda jalb etish, infratuzilma loyihalarini tez va sifatli amalga oshirish, sport xizmatlari bozorida raqobatni kuchaytirish hamda mavjud moliyaviy resurslardan samarali foydalanishni ta’minlash imkonini beruvchi eng maqbul iqtisodiy mexanizmlardan biri sifatida maydonga chiqadi.