OG‘IZ BO‘SHLIG‘I INFEKSIYALARINING UMUMIY SOG‘LIQQA TA’SIRI

Аннотация:

Mazkur maqolada og‘iz bo‘shlig‘i infeksiyalarining inson organizmining umumiy sog‘lig‘iga ta’siri ilmiy manbalar asosida tahlil qilinadi. Og‘iz bo‘shlig‘ida rivojlanadigan kariyes, gingivit va parodontit kabi infeksion kasalliklar nafaqat mahalliy muammo, balki butun organizm faoliyatiga salbiy ta’sir ko‘rsatuvchi omil sifatida qaraladi. Tadqiqot jarayonida og‘iz bo‘shlig‘idagi patogen mikroorganizmlarning qon oqimi orqali tarqalishi va yurak-qon tomir, immun, nafas olish hamda oshqozon-ichak tizimlarida turli asoratlarni keltirib chiqarishi tahlil qilindi. Adabiyotlar tahlili natijalari og‘iz gigiyenasiga rioya qilmaslik surunkali yallig‘lanish jarayonlarini kuchaytirib, umumiy sog‘liq holatining yomonlashuviga olib kelishini ko‘rsatdi. Tadqiqot natijalari og‘iz bo‘shlig‘i sog‘lig‘ini saqlash umumiy salomatlikni ta’minlashda muhim ahamiyatga ega ekanini tasdiqlaydi.