ALTERNATIV ENERGIYA MANBALARINI QISHLOQ XO‘JALIGIDA FOYDALANISHNING MATEMATIK MODELI

Abstract:

Bugungi kunda elektr energiyasiga bo‘lgan talab ortib borayotgan sharoitda, energiyani samarali ishlab chiqarish, uzatish va taqsimlash har bir davlat, sanoat korxonasi va hatto fermer xo‘jaligi uchun ham strategik zarurat hisoblanadi. O‘zbekistonda ham ushbu yo‘nalishda keng ko‘lamli davlat dasturlari amalga oshirilmoqda. Qishloq xo‘jaligi sohasi energiyaning eng yirik iste’molchilaridan biridir. Sug‘orish tizimlari va nasos stansiyalari, issiqxonalarni isitish va yoritish, qishloq xo‘jaligi texnikalari hamda qishloq xo‘jaligi mahsulotlarini qayta ishlash korxonalari katta miqdorda elektr energiyasini talab qiladi. Shuning uchun qayta tiklanuvchi energiya manbalarini ushbu sohada qo‘llash muhim ahamiyatga ega.