СУДГА ҚАДАР ИШ ЮРИТИШ БОСҚИЧИДА ЖИНОЯТДАН ЗАРАР КЎРГАН ШАХСЛАРНИ ПРОЦЕССУАЛ ҲИМОЯ ҚИЛИШ ВА УЛАРГА ЕТКАЗИЛГАН ЗАРАРНИ АНИҚЛАШ ВА ҚОПЛАШНИНГ БУГУНГИ ҲОЛАТИ ҲАМДА МУАММОЛАРИ

Abstrak:

Мазкур мақолада судга қадар иш юритиш босқичида жиноятдан жабрланган шахсларнинг ҳуқуқ ва қонуний манфаатларини процессуал ҳимоя қилиш, уларга етказилган моддий, маънавий ва жисмоний зарарни аниқлаш ҳамда қоплашнинг амалдаги ҳолати комплекс таҳлил қилинган. Жиноят-процессуал ва фуқаролик қонунчилиги ўртасидаги айрим номутаносибликлар, терминологик ноаниқликлар, маънавий зарар миқдорини белгилашда ягона мезонларнинг мавжуд эмаслиги ҳамда судгача босқичда ихтиёрий қоплаш механизмларининг етарли даражада тартибга солинмаганлиги очиб берилган. Шунингдек, жабрланувчи ҳуқуқларини самарали таъминлашга қаратилган қонунчиликни такомиллаштириш бўйича илмий асосланган таклиф ва тавсиялар илгари сурилган.