SUN’IY INTELLEKT YORDAMIDA O‘QITISHNING ZAMONAVIY USULLARI, AFZALLIKLARI VA CHEKLOVLARI

Аннотация:

Mazkur maqolada sun’iy intellekt (SI) texnologiyalarining ta’lim jarayoniga joriy etilishi, uning o‘qitish samaradorligini oshirishdagi imkoniyatlari, afzalliklari hamda yuzaga kelayotgan muammolar har tomonlama tahlil qilingan. Mualliflar SI yordamida o‘qitishning zamonaviy shakllari — adaptiv ta’lim, real vaqt rejimidagi fikr-mulohaza, o‘yinlashtirish, shaxsiylashtirilgan o‘quv dasturlari va virtual repetitorlar misolida o‘quvchilarning bilim darajasi, motivatsiyasi va ishtirokini oshirish omillarini ko‘rsatganlar. Shu bilan birga, maqolada sun’iy intellektdan foydalanish jarayonidagi axborot xavfsizligi, algoritmik xatolik (bias), insoniy omilning kamayishi, akademik halollikka tahdid va iqtisodiy-texnik cheklovlar kabi muhim muammolar ham yoritilgan. UNESCO tavsiyalari asosida, mualliflar AI texnologiyalarini ta’lim tizimiga bosqichma-bosqich, axloqiy va huquqiy me’yorlarga asoslangan holda joriy etish zarurligini ta’kidlaydilar. Xulosa sifatida maqolada texnologiya va an’anaviy pedagogikaning uyg‘unligi ta’lim sifatini oshirishning asosiy omili sifatida ko‘rsatilgan.