SOVET HOKIMIYATI DAVRIDA NAVOIY VILOYAT MOLIYA BO‘LIMINING KADRLAR TAYYORLASH MASALASINING MILLIY ARXIV HUJJATLARIDA YORITILISHI (R-93-FOND MISOLIDA)

Abstract:

O‘zbekiston SSR moliya tizimining barqaror faoliyat yuritishi ko‘p jihatdan malakali kadrlar bilan ta’minlanganlik darajasiga bog‘liq edi. Xususan, 1982–1988-yillarda iqtisodiy boshqaruv tizimini takomillashtirish, moliya nazorati va rejalashtirish jarayonlarini kuchaytirish maqsadida moliya sohasida kadrlar tayyorlash masalasi davlat siyosatining ustuvor yo‘nalishlaridan biriga aylandi. Moliya organlarida kadrlar bilan ishlashni yanada takomillashtirish bo‘yicha SSSR Moliya vazirining 1981-yil 8-maydagi 88-sonli “KPSS XXVI syezdi talablaridan kelib chiqib, moliya tizimi organlarida kadrlar bilan ishlashni yanada yaxshilash vazifalari to‘g‘risida”gi buyrug‘iga asosan oliy o‘quv yurtlari, o‘rta maxsus ta’lim muassasalari hamda qisqa muddatli malaka oshirish kurslari orqali moliya xodimlarini tayyorlash va qayta tayyorlash ishlari amalga oshirildi.