EFTALIYLAR BOSHQARUVI DAVRIDA TURON – ERON MUNOSABATLARI

Abstrak:

Markaziy Osiyo tarixida Eftaliylar davlati (milodiy V–VI asrlar) o‘zining siyosiy kuchi, iqtisodiy salohiyati va madaniy o‘ziga xosligi bilan alohida o‘rin egallaydi. Bu davlat qadimiy manbalarda “Hephthalites” yoki “Oq hunnlar” deb nomlanadi. Eftaliylar qisqa muddat ichida O‘rta Osiyo, Afg‘oniston, Shimoliy Hindiston va Eronning katta qismini o‘z ta’siri ostiga olgan qudratli siyosiy kuchga aylangan. Ularning paydo bo‘lishi mintaqadagi siyosiy muvozanatni o‘zgartirdi, ayniqsa, Sosoniylar davlati bilan munosabatlarda muhim burilish yasadi. Eftaliylar va Sosoniylar o‘rtasidagi munosabatlar ko‘p qirrali bo‘lgan — ba’zan harbiy raqobat, ba’zan esa diplomatik ittifoq, iqtisodiy hamkorlik va madaniy almashinuv shaklida kechgan. Ushbu tezisda aynan shu murakkab, ammo o‘zaro ta’sirchan jarayonlar har tomonlama tahlil qilinadi.