QAND LAVLAGINI SAQLASHDAGI ISTIQBOLLI USULLAR: ZAMONAVIY ILMIY YONDASHUVLAR TAHLILI

Аннотация:

Qand lavlagi qand sanoatining asosiy xomashyosi bo‘lib, uni saqlash jarayonida yuzaga keladigan sifat va miqdor yo‘qotishlari ishlab chiqarish samaradorligiga bevosita ta’sir ko‘rsatadi. Saqlash davrida ildizmevalarda fiziologik va biokimyoviy jarayonlar davom etadi, natijada saxaroza miqdori kamayadi va texnologik ko‘rsatkichlar yomonlashadi. Mazkur maqolada xorijiy ilmiy tadqiqotlar asosida qand lavlagini saqlashning istiqbolli usullari tahlil qilinadi. Haroratni boshqarish, faol ventilyatsiya, gaz muhitini nazorat qilish, biologik himoya vositalari, mexanik shikastlanishni kamaytirish hamda raqamli monitoring texnologiyalarining afzalliklari ilmiy jihatdan yoritib beriladi. Tadqiqot natijalari ushbu texnologiyalarni joriy etish saqlash davridagi shakar yo‘qotilishini sezilarli darajada kamaytirishini ko‘rsatadi.