PARODONTIT BILAN OG‘RIGAN BEMORLARDA KLINIK RENTGENOLOGIK HOLATNI O‘RGANISH

Аннотация:

Parodontit tishlarni ushlab turuvchi to‘qimalarning surunkali yallig‘lanish kasalligi bo‘lib, zamonaviy stomatologiyaning dolzarb muammolaridan biri hisoblanadi. Parodontitning klinik kechishi milklarning qonashi, shishishi, parodontal cho‘ntaklarning hosil bo‘lishi, tishlarning harakatchanligi va og‘riq kabi belgilar bilan namoyon bo‘ladi. Biroq kasallikning dastlabki bosqichlarida klinik belgilar kam ifodalangan bo‘lishi mumkin. Shu sababli parodontitni erta aniqlashda va kasallik darajasini baholashda rentgenologik tekshiruv muhim diagnostik ahamiyatga ega. Klinik va rentgenologik ma’lumotlarni birgalikda tahlil qilish parodontitning og‘irlik darajasini aniqlash, davolash rejasini to‘g‘ri tanlash va kasallik kechishini prognoz qilish imkonini beradi. Shu munosabat bilan, parodontit bilan og‘rigan bemorlarda klinik va rentgenologik holatni o‘rganish, ularning o‘zaro bog‘liqligini tahlil qilish hamda diagnostik mezonlarni takomillashtirish muhim ilmiy va amaliy ahamiyat kasb etadi.