YOSHLAR FAOLLIGINI OSHIRISHDA INNOVATSION STRATEGIYALARNING O‘RNI

Abstrak:

Maqolada Yangi O‘zbekiston sharoitida ijtimoiy-iqtisodiy va madaniy islohotlarning asosiy subyekti sifatida yoshlarning o‘rni yoritilgan. Ta’lim, innovatsion tafakkur, raqamli kompetensiyalar va yoshlarning ijtimoiy faolligini rivojlantirishga yo‘naltirilgan davlat yoshlar siyosatining strategik ahamiyati asoslab berilgan. Jadidlarning ilg‘or ta’limni milliy taraqqiyotning asosi deb bilgan g‘oyalari va ularning bugungi kunda ta’lim sohasidagi keng ko‘lamli islohotlarda amaliy ifodasi topishi masalasiga alohida e’tibor qaratilgan. Ta’lim tizimidagi yutuqlar bilan bir qatorda hududiy tafovutlar, amaliy ko‘nikmalarning yetishmasligi va raqamli davr talablari kabi dolzarb muammolar tahlil qilingan. Infratuzilmani modernizatsiya qilish, mentorlik tizimini rivojlantirish, startaplarni qo‘llab-quvvatlash hamda intellektual muhitni shakllantirishni uyg‘unlashtirgan kompleks yondashuv yoshlar salohiyatini ro‘yobga chiqarish va jamiyatning barqaror rivojlanishini ta’minlashda muhim omil sifatida ko‘rsatib berilgan.