Араб тилидаги перипатетик мактаби, у араб фалсафий анъаналарида “файласуфлар” (фаласифа) ёки “перипатетиклар” (машшоиййун) ёки баъзан “аристотелчилар” мактаби деб аталган. Бу мактаб вакилларининг ўзлари кўпинча неоплатоник ғояларни Аристотел ғояларидан ажратмаган, уларни ягона тана сифатида қабул қилган.

Атрофимиздаги борлиқни англашда олам унсурлари онгимизда образлар орқали акс этади ҳамда онгимизда гавдаланган унсурлар тилимизда муайян белгилар воситасида ифодаланади. Ҳаётимизда учраган турли-туман белгилар орқали биз маълум ахборотларни оламиз. Ҳар қандай ахборотнинг моддий ифодаловчилари белги ҳисобланади. Белги тушунчаси фалсафа, мантиқ, тилшунослик, психологияда  муҳим ўрин тутади.