Мақолада Ўзбекистон Республикасида номусга тегиш жиноятлари (ЖК 118–119, 121-моддалар) билан боғлиқ криминоген вазият таҳлил қилиниб, ушбу жиноятларнинг 75 %и профилактика инспекторининг олдиндан эътиборига тушган шахслар томонидан содир этилганлиги аниқланган. Номусга тегиш жиноятларига қарши курашда жазо чоралари билан бир қаторда профилактика инспекторининг махсус профилактика фаолиятини тубдан такомиллаштиришнинг ҳозирги замон талаби эканлиги асослаб берилган. “Хавфли шахслар” миллий электрон реестрини яратиш, профилактика инспектори ваколатларини кенгайтириш, маҳалла даражасида доимий фаолият юритувчи “Хотин-қизлар ва болалар хавфсизлиги профилактика кенгаши”ни ташкил этиш, қурбонлар учун “шахсий хавфсизлик режаси” тизимини жорий қилиш, электрон назорат воситаларини кенг қўллаш, инспекторларнинг 120 соатлик махсус тайёргарлиги ва фаолият самарадорлигини 100 баллик шкала бўйича баҳолаш каби янги механизмлар илмий асосда таклиф этилган. Ушбу чораларни 2026–2030 йилларда босқичма-босқич амалга оширса, номусга тегиш жиноятларини 80 %га камайтириш ва Ўзбекистонни ушбу турдаги жиноятлар бўйича дунёдаги энг хавфсиз давлатлар қаторига олиб чиқиш мумкинлиги исботланган

Ушбу ишда профилактика инспекторининг ҳуқуқбузарликлар объектларига нисбатан умумий ва якка тартибдаги профилактика чора-тадбирларини амалга ошириш фаолияти, уни такомиллаштиришга доир долзарб масалалар ҳамда хорижий амалиёт асосида самарали модель ва механизмлар таҳлил қилинади. Тадқиқот профилактика инспекторларининг ваколатлари, уларнинг жамият хавфсизлигини таъминлашдаги институционал ўрни, профилактика тадбирларининг амалдаги самарадорлиги, рецидив жиноятчиликнинг юқорилиги билан боғлиқ муаммолар ва уларни бартараф этиш йўлларини қамраб олади. Шuningdek, замонавий хавфни баҳолаш инструментларини жорий этиш, электрон профилактика тизимларини ривожлантириш, индивидуал профилактик ишни кучайтириш ҳамда жамоатчилик билан ҳамкорликни такомиллаштириш бўйича таклифлар илгари сурилади. Тадқиқот натижалари ҳуқуқбузарликлар профилактикаси соҳасидаги миллий тизимни модернизация қилиш учун назарий ва амалий аҳамиятга эга.

Ушбу мақолада Ўзбекистон Республикаси “Ҳуқуқбузарликлар профилактикаси тўғрисида”ги Қонунининг 4-боби (24–27-моддалар) асосида судхўрлик билан шуғулланувчи шахсларни ижтимоий профилактика объекти сифатидаги махсус профилактикаси профилактика инспектори фаолияти нуқтаи назаридан чуқур таҳлил қилинади. 2024–2025 йиллар ИИВ, Kun.uz ва Daryo.uz статистикасига таяниб, судхўрликнинг асосий сабаблари (ишсизлик, камбағаллик, моддалар истеъмоли, илгари судланганлик), уларнинг кўпайиши тенденциялари ва жамоат хавфсизлигига таъсири кўрсатиб берилади. Муаллиф судхўрлик билан шуғулланувчиларнинг махсус профилактикасида илгари судланганлар (25-модда) ва моддалар истеъмол қилувчилар (26-модда) билан ишлаш механизмларини, ижтимоий реабилитация, ишга жойлаштириш, рақамли мониторинг ва психологик ёрдамнинг ролини батафсил ёритади..

Ушбу мақолада Ўзбекистон Республикаси “Ҳуқуқбузарликлар профилактикаси тўғрисида”ги Қонунининг 4-боби (24–27-моддалар) асосида судхўрлик билан шуғулланувчи шахсларни ижтимоий профилактика объекти сифатидаги махсус профилактикаси профилактика инспектори фаолияти нуқтаи назаридан чуқур таҳлил қилинади. 2024–2025 йиллар ИИВ, Kun.uz ва Daryo.uz статистикасига таяниб, судхўрликнинг асосий сабаблари (ишсизлик, камбағаллик, моддалар истеъмоли, илгари судланганлик), уларнинг кўпайиши тенденциялари ва жамоат хавфсизлигига таъсири кўрсатиб берилади. Муаллиф судхўрлик билан шуғулланувчиларнинг махсус профилактикасида илгари судланганлар (25-модда) ва моддалар истеъмол қилувчилар (26-модда) билан ишлаш механизмларини, ижтимоий реабилитация, ишга жойлаштириш, рақамли мониторинг ва психологик ёрдамнинг ролини батафсил ёритади.

Ушбу мақолада профилактика инспекторининг ҳуқуқбузарликлар профилактикасини амалга оширишда соғлиқни сақлаш муассасалари билан ҳамкорлигининг ҳуқуқий ва амалий жиҳатлари ўрганилган. Зарурат туғилганда тиббий-психологик диагностика ўтказиш, гиёҳвандликка мойил ёки руҳий ҳолати издан чиққан шахсларни аниқлаш, оилавий зўравонлик ҳолатларида тиббий далолатномалар билан таъминлаш, вояга етмаган ва ижтимоий ҳимоясиз қатламларга тиббий ёрдам кўрсатишдаги ўзаро ҳамкорлик механизмлари таҳлил қилинган. Шунингдек, профилактика инспектори ва тиббиёт ходимлари ўртасидаги ахборот алмашинуви, соғлом турмуш тарзини тарғиб қилиш, хавф гуруҳидаги шахслар билан индивидуал ишлаш ва барвақт профилактика тадбирларини амалга оширишнинг аҳамияти ёритилган. Мақолада ушбу йўналишдаги ҳамкорликни такомиллаштиришга оид амалий таклифлар ҳам берилган

Ушбу мақолада профилактика инспекторининг номусга тегиш жиноятига қарши курашишда махсус профилактика чораларини амалга оширишдаги ўрни ва вазифалари хорижий давлатлар тажрибаси асосида таҳлил қилинган. Тадқиқотда зўравонлик ва жинсий тажовузларнинг сабаб ва шарт-шароитлари, хавф гуруҳини аниқлаш, жабрланувчиларни ҳимоя қилиш, жиноят содир этишга мойил шахсларни барвақт аниқлаш ва улар билан индивидуал профилактик ишларни ташкил этиш масалалари ёритилган. АҚШ, Буюк Британия, Канада, Туркия ва Жанубий Корея каби мамлакатларда жинсий жиноятларнинг олдини олиш соҳасида қўлланилаётган махсус профилактика механизмлари, полицей–жамоатчилик ҳамкорлиги, электрон мониторинг, реабилитация дастурлари ва фуқаролар хабардорлигини ошириш бўйича тажрибалар қиёсий ўрганилган. Мақола миллий амалиётда профилактика инспектори фаолиятини янада такомиллаштириш бўйича амалий таклифлар ишлаб чиқишга қаратилган..

Ушбу мақолада профилактика инспекторининг таълим муассасаларида таҳсил олаётган ҳуқуқбузарликлар содир этиш эҳтимоли юқори бўлган талабалар билан ишлашда якка тартибдаги профилактиканинг ўрни ва аҳамияти илмий-назарий асосда таҳлил қилинади. Тадқиқотда талабалар ўртасида ҳуқуқбузарликка мойилликка таъсир этувчи омиллар, уларни аниқлаш усуллари, индивидуал профилактик тадбирларни ташкил этиш ва уларнинг самарадорлигини ошириш механизмлари ўрганилган. Шунингдек, профилактика инспектори, таълим муассасалари маъмурияти, психологлар ва жамоатчилик ўртасидаги ҳамкорликнинг ўзига хос хусусиятлари ёритилган. Мақолада индивидуал профилактика жараёнини такомиллаштириш, хавф гуруҳига мансуб талаба шахсини ижтимоий қўллаб-қувватлаш, таълим муҳитини соғломлаштириш ва ҳуқуқбузарликлар профилактикасини кучайтириш бўйича амалий таклифлар илгари сурилади.

Мақолада Ўзбекистон Республикасида профилактик ҳисобга олинган шахслар билан ишлашда ҳуқуқбузарликларнинг олдини олиш субъектлари фаолиятидаги расмийлик муаммолари ўрганилади. Муаллиф бюрократлаштириш жараёнлари, якка тартибдаги ишга расмий ёндашув, профилактика субъектлари ўртасида етарли даражада мувофиқлаштириш йўқлиги ва ҳақиқий натижалар устидан ҳисоботнинг устунлиги билан боғлиқ профилактик тадбирлар самарадорлигининг пасайиш сабабларини таҳлил қилади. Мақолада профилактика тизимини такомиллаштириш йўллари таклиф этилган, жумладан, профилактик таъсирга дифференциаллашган ёндашувни жорий этиш, хавфни баҳолашнинг замонавий технологияларидан фойдаланиш, идораларао ўзаро ҳамкорликни ривожлантириш ва ижтимоий мослашувнинг ролини ошириш. Миқдорий кўрсаткичлардан профилактик ишнинг сифат мезонларига ўтиш зарурлигига ва профилактика фаолиятида инсон омилини кучайтиришга алоҳида эътибор қаратилган

Ушбу мақолада профилактика инспекторининг маъмурий-ҳудуддаги криминоген вазиятга салбий таъсир этувчи омиллар, сабаб ва шарт-шароитларни аниқлашда маҳалла еттилги билан ҳамкорлигини такомиллаштириш механизмлари таҳлил қилинган. Мақолада криминоген омилларни илдиз босқичида аниқлаш, хавф гуруҳларини рўйхатга олиш, жиноятчилик тенденцияларини прогноз қилиш, ижтимоий муаммоларни барвақт бартараф этишда маҳалла еттилги ва профилактика инспектори ўртасидаги ўзаро алоқаларнинг аҳамияти ёритилган. Шунингдек, ахборот-таҳлил жараёнларини такомиллаштириш, электрон мониторинг тизимларини жорий этиш, маҳалла фаоллари билан ҳамкорликни институционал асосда мустаҳкамлаш бўйича амалий таклифлар берилади. Тадқиқот натижалари маҳалла даражасида криминоген вазиятни барқарорлаштириш ва профилактика самарадорлигини оширишга қаратилган.

Мақола Ўзбекистон Республикасида вояга етмаганлар томонидан содир этиладиган маъмурий ҳуқуқбузарликларнинг олдини олишда профилактика инспекторининг роли ва вазифаларига бағишланган. Ички ишлар вазирлигининг 2024–2025 йилларга оид расмий статистикаси, kun.uz, daryo.uz ва бошқа очиқ манбалар асосида вояга етмаганлар орасида майда хулиганлик, алкогол ва гиёҳвандлик воситалари билан боғлиқ ҳуқуқбузарликлар, ўқишни тизимли равишда қолдириш каби маъмурий ҳуқуқбузарликларнинг ўсиш тенденциялари таҳлил қилинган. Scopus, Web of Science ва Google Scholar базаларидаги хорижий олимлар (Р.Ф.Степаненко, А. Гаджиева, Н. Ячина ва бошқ.) тадқиқотларига таяниб, профилактика инспектори фаолиятининг замонавий илмий-педагогик ва криминологик моделлари кўриб чиқилган.

Ушбу мақолада “Профилактика инспекторининг ҳуқуқбузарликлар профилактикаси кунида амалга ошириши лозим бўлган чора-тадбирлар асосий йўналишлари” мавзуси кенг қамровда таҳлил қилинади. Профилактика инспекторларининг ҳуқуқбузарликларни олдини олишда ўз ўрни ва вазифалари ниҳоятда муҳимдир. Улар жамиятда хавфсизликни таъминлаш, ҳуқуқбузарликларнинг олдини олиш ва аҳоли ўртасида ҳуқуқий онгни оширишда фаол иштирок этадилар. Мақолада, биринчи навбатда, профилактика инспекторларининг асосий вазифалари ва уларнинг ҳуқуқбузарликлар профилактикасидаги роли кўриб чиқилади. Бунинг учун, ҳуқуқбузарликларни таҳлил қилиш ва уларнинг сабаблари, шунингдек, профилактика чора-тадбирлари самарадорлиги ҳақида маълумот берилади. Шунингдек, мақолада турли хил профилактик тадбирлар — семинарлар, тарғибот компаниялари, аҳоли билан мулоқот ва ўқитиш жараёнлари ҳақида батафсил баён этилади. Профилактика инспекторларининг ишларини самарали ташкил этиш учун замонавий ахборот технологияларидан фойдаланиш муҳим аҳамиятга эга. Ушбу технологиялар, профилактик тадбирларнинг самарадорлигини ошириш, маълумотларни таҳлил қилиш ва уларни аҳоли ўртасида тарқатиш учун қулай имкониятлар яратади. Мақола, шунингдек, профилактика инспекторларининг жамоатчилик билан алоқалари ва ҳамкорликнинг аҳамиятини таъкидлайди.

Ушбу мақолада профилактика инспекторининг диний экстремизм остида содир этилган ҳуқуқбузарликларнинг олдини олишда виктимологик профилактиканинг ўрни ва аҳамияти илмий жиҳатдан таҳлил қилинган. Тадқиқотда диний радикал ғояларга мойилликка эга бўлган шахсларнинг виктим ҳолатига олиб келувчи ижтимоий, психологик ва маънавий омиллар ўрганилган. Шунингдек, профилактика инспекторининг ахборот-таҳлил фаолияти, хавф гуруҳини аниқлаш, манзилли суҳбатлар, оила ва маҳалла билан ҳамкорлик қилиш, ижтимоий-маънавий иммунитетни кучайтириш каби индивидуал ва гуруҳли профилактика чоралари ёритилган. Мақолада виктимологик ёндашув асосида диний экстремизмга мойил шахсларнинг таъсирчанлигини камайтириш, уларни радикал муҳитдан ҳимоя қилиш ва ижтимоий хавфсизликни таъминлаш механизмлари бўйича амалий таклифлар берилган.

Ушбу мақолада ҳуқуқбузарликларнинг олдини олиш жараёнида ижтимоий профилактика тадбирларининг ўрни ва аҳамияти таҳлил этилади. Тадқиқотда жамиятда ҳуқуқбузарликлар содир этилишига сабаб бўлувчи ижтимоий-психологик омиллар, аҳолининг ҳуқуқий онг ва маданияти даражаси, оилавий муҳит, таълим муассасалари ва маҳалла институтларининг роли ёритилган. Мақолада ижтимоий профилактика чораларининг тизимли тарзда амалга оширилиши, аҳолининг турли гуруҳларига йўналтирилган маърифий тадбирлар, хавф гуруҳидаги шахслар билан олиб бориладиган индивидуал профилактика ишларининг самарадорлиги асослаб берилади. Шунингдек, давлат органлари, фуқаролик жамияти институтлари ва таълим муассасалари ўртасидаги ҳамкорликни кучайтириш орқали ҳуқуқбузарликларни олдини олишнинг комплекс механизмлари такомиллаштириш бўйича таклифлар ишлаб чиқилади

Ушбу мақолада ҳуқуқбузарликларнинг умумий профилактикаси объектларининг ўзига хос хусусиятлари, уларнинг ижтимоий-ҳуқуқий табиати, таркибий элементлари ва профилактик фаолиятдаги аҳамияти таҳлил қилинади. Жамиятда юз бериши эҳтимол бўлган ҳуқуқбузарликларни олдиндан бартараф этишда умумий профилактика объектларини тўғри аниқлаш ва баҳолаш жараёнининг ўрни ёритилади. Шунингдек, демографик омиллар, муҳит таъсири, ижтимоий тартиб-интизом даражаси, аҳолининг ҳуқуқий маданияти ҳамда хавф гуруҳлари каби омилларнинг профилактика объектлари сифатидаги хусусиятлари тадқиқ этилади. Таҳлил натижаларига кўра, умумий профилактика объектларини комплекс тарзда ўрганиш ҳуқуқбузарликларнинг олдини олишда тизимли, мақсадли ва самарали профилактик чора-тадбирларни ишлаб чиқишда муҳим аҳамият касб этади.

Мазкур мақолада профилактика инспекторларининг фуқаролар мол-мулкини жиноий тажовузлардан ҳимоя қилишда Миллий гвардия органлари билан ҳамкорлигининг ўзига хос жиҳатлари илмий-назарий ва амалий нуқтаи назардан таҳлил қилинган. Тадқиқотда мулкий жиноятларнинг олдини олишда идоралараро ҳамкорликнинг аҳамияти, профилактика инспекторлари ва Миллий гвардия органларининг ваколатлари ҳамда вазифалари ўзаро уйғунликда ўрганилган. Шунингдек, қўшма профилактик тадбирлар, патрул хизмати, қўриқлаш тизимлари ва ахборот алмашинуви механизмларининг мулкий жиноятлар профилактикасидаги роли илмий манбалар ва расмий статистик маълумотлар асосида ёритилган. Мақолада ҳамкорлик жараёнида қонунийлик, инсон ҳуқуқлари ва мутаносиблик принципларига риоя этиш масалаларига алоҳида эътибор қаратилган. Тадқиқот натижалари ҳуқуқбузарликлар профилактикаси соҳасида профилактика инспекторлари ва Миллий гвардия органлари фаолиятини янада такомиллаштиришда илмий-амалий аҳамиятга эга.

Ушбу мақолада профилактика инспекторининг ҳуқуқбузарликлар профилактикасини амалга оширишда ички ишлар органлари соҳавий хизматлари билан ҳамкорликни ташкил этиш тушунчаси, асосий хусусиятлари, ҳозирги кунда профилактика инспекторларининг ички ишлар органлари сохавий хизматлари билан ҳамкорлиги, профилактика инспекторларининг соҳавий хизматлар билан ҳамкорлигини самарали ташкил этиш, профилактика инспекторининг хуқуқбузарликлар профилактикасини амалга оширишда ички ишлар органлари соҳавий хизматлари билан ҳамкорлигини ташкил этишнинг ташкилий-ҳуқуқий асослари юзасидан фикр ва мулоҳазалар ёритилган.

This article examines modern mechanisms for the prevention of crimes committed by minors and explores ways to enhance their effectiveness. Risks in the social environment, including terrorism, religious extremism, illegal migration, human trafficking, and an increased propensity for delinquency among youth, necessitate the introduction of new preventive measures. The article analyzes integrated prevention mechanisms comprising legislative, psychological-pedagogical, social, and technological components. Additionally, it scrutinizes the Law of the Republic of Uzbekistan "On the Prevention of Neglect and Offenses among Minors" dated September 29, 2010, and proposes evidence-based recommendations and additional provisions for its improvement. The article aims to establish theoretical, legal, and practical foundations for the effective organization of juvenile delinquency prevention.

Ушбу мақолада профилактика инспектори томонидан илгари судланган шахсларни ижтимоий реабилитация қилиш механизмларини ташкил этиш масалалари илмий ва амалий жиҳатдан ўрганилган. Тадқиқотда жиноят содир этиб, жазони ўтаб чиққан шахсларнинг жамиятга қайта мослашуви, уларнинг қайта ҳуқуқбузарлик содир этиш эҳтимолини камайтириш, ижтимоий-руҳий қўллаб-қувватлаш ва бандликка кўмаклашиш каби йўналишларни амалга оширишда профилактика инспектори зиммасига юклатилган вазифалар таҳлил қилинган. Мақолада реабилитация жараёнида маҳалла, таълим, бандлик, тиббиёт муассасалари ва жамоат ташкилотлари билан ўзаро ҳамкорликнинг ўрни, шунингдек, инсонпарварлик ва индивидуал ёндашувга асосланган реабилитация механизмлари ёритилган. Тадқиқот натижалари илгари судланган шахсларнинг ижтимоий ҳаётга тўлақонли қайтишини таъминлаш, криминоген вазиятни барқарорлаштириш ва ҳуқуқбузарликларнинг олдини олишга хизмат қилади.

Ушбу мақолада Ўзбекистон Республикаси Жиноят кодексининг 210–212-моддалари (пора олиш, пора бериш, воситачилик) асосида коррупция билан боғлиқ ҳуқуқбузарликларнинг профилактикасида профилактика инспекторларининг роли ва ушбу механизмни такомиллаштириш масалалари чуқур таҳлил қилинади. 2024–2025 йиллар Transparency International, ИИВ, Kun.uz ва Daryo.uz статистикасига таяниб, коррупциянинг долзарб тенденциялари (давлат органларидаги пора олиш 41%, фуқароларнинг хабар бериш даражаси 24,8%, иқтисодий зарар 1,9 трлн сўм), сабаблари (манфаатлар тўқнашуви, хизмат мавқеидан ортиқча фойдаланиш, жазонинг етарли эмаслиги) ва оқибатлари очиб берилади. Муаллиф профилактика инспекторларининг амалдаги фаолиятининг муаммоларини (этик кодекснинг заифлиги, рақамли назоратнинг етишмаслиги, такрорий коррупциянинг 12% га ортиши) танқидий баҳолаб, коррупция профилактикасини 25–35% га самарали қиладиган аниқ такомиллаштириш механизмларини илгари суради: антикоррупцион этик кодексни мажбурийлаштириш, “Антикоррупцион-мониторинг” рақамли платформасини яратиш, аноним хабар бериш тизимини кенгайтириш, жарима ва қамоқ муддатларини кескин ошириш, профилактика инспекторлари учун KPI ва доимий тренингларни жорий этиш.

Мақолада ҳуқуқбузарликлар профилактикаси тушунчаси, умумий ва виктимилогик профилактика, турлари, йўналишлари, асосий вазифалари атрофлича ёритилган.

Ушбу мақолада илғор хорижий давлатлар тажрибасида профилактика инспекторининг вояга етмаган шахсларнинг гиёҳвандлик воситалари ёки психотроп моддалар истеъмол қилиши олдини олиш фаолияти қиёсий таҳлил қилинган. Тадқиқотда АҚШ, Буюк Британия, Жанубий Корея, Германия, Япония каби мамлакатларда ўсмирлар ўртасида гиёҳвандликка қарши кураш механизмлари, профилактиканинг ҳуқуқий ва институционал асослари, полиция ва таълим муассасалари ўртасидаги ҳамкорлик, ёшларни ижтимоий-руҳий қўллаб-қувватлашнинг инновацион йўналишлари ўрганилган. Шунингдек, профилактика инспекторлари фаолиятидаги ахборот-таҳлил жараёнлари, киберхавфсизликка оид чора-тадбирлар, ота-она ва жамоатчилик иштирокининг ўрни қатъий таҳлил қилинган. Мақолада хорижий тажриба асосида Ўзбекистон шароитига мос амалиётларни жорий этиш юзасидан таклиф ва тавсиялар берилган.

Мақолада Ўзбекистон Республикасида профилактик ҳисобга олинган шахслар билан ишлашда ҳуқуқбузарликларнинг олдини олиш субъектлари фаолиятидаги расмийлик муаммолари ўрганилади. Муаллиф бюрократлаштириш жараёнлари, якка тартибдаги ишга расмий ёндашув, профилактика субъектлари ўртасида етарли даражада мувофиқлаштириш йўқлиги ва ҳақиқий натижалар устидан ҳисоботнинг устунлиги билан боғлиқ профилактик тадбирлар самарадорлигининг пасайиш сабабларини таҳлил қилади. Мақолада профилактика тизимини такомиллаштириш йўллари таклиф этилган, жумладан, профилактик таъсирга дифференциаллашган ёндашувни жорий этиш, хавфни баҳолашнинг замонавий технологияларидан фойдаланиш, идораларао ўзаро ҳамкорликни ривожлантириш ва ижтимоий мослашувнинг ролини ошириш. Миқдорий кўрсаткичлардан профилактик ишнинг сифат мезонларига ўтиш зарурлигига ва профилактика фаолиятида инсон омилини кучайтиришга алоҳида эътибор қаратилган.

Ушбу мақолада профилактика инспекторининг ободонлаштириш қоидаларини бузиш билан боғлиқ ҳуқуқбузарликларнинг олдини олиш фаолияти ҳуқуқий ва амалий жиҳатдан ўрганилган. Тадқиқотда ободонлаштириш қоидаларини бузишнинг асосий турлари, улар юзага келишига таъсир этувчи омиллар, аҳоли ва тадбиркорлар ўртасида ҳуқуқий онг ва масъулиятни ошириш зарурати таҳлил қилинган. Мақолада профилактика инспектори томонидан профилактиканинг индивидуал, гуруҳли ва оммавий шаклларини амалга ошириш, маҳалла фаоллари, коммунал хизмат кўрсатувчи ташкилотлар ва фуқаролар билан ҳамкорликда ҳуқуқбузарликларни барвақт аниқлаш механизми ёритилган. Шунингдек, ободонлаштириш соҳасида ҳуқуқбузарликларни камайтириш бўйича амалий таклифлар берилган..

Ушбу мақолада профилактика инспекторининг суицид холатларнинг олдини олиш фаолиятининг такомиллаштириш баён этилган. Шу билан бирга суицид холатларини олдини олиш фаолиятининг ўзига хос хусусиятлари. профилактика инспекторининг суицид холатларининг олдини олиш фаолиятига оид нормалар ва уларни қўллаш амалиёти ва суицид холатларини олдини олиш фаолиятининг ташкилий асослари ёритилган

Ушбу илмий мақолада профилактика инспекторининг вояга етмаганлар томонидан содир этиладиган маъмурий ҳуқуқбузарликларнинг олдини олишдаги роли, ваколатлари ва амалдаги фаолияти таҳлил қилинган. Бугунги кунда камолот ёшидаги шахслар ўртасида ҳуқуққа хилоф хатти-ҳаракатларнинг юзага келиш омиллари, оилавий муҳит, таълим муассасалари фаолияти, маҳалла ва жамоатчиликнинг ҳамкорлик даражаси билан бевосита боғлиқ экани қайд этилган. Тадқиқотда профилактика инспекторининг комиссиялар, таълим муассасалари, вояга етмаганлар билан ишловчи органлар ва нодавлат тузилмалар билан ўзаро ҳамкорлигини такомиллаштиришга доир таклифлар илгари сурилган. Шунингдек, замонавий ахборот технологияларидан фойдаланган ҳолда профилактика ишларини оптималлаштириш, соҳа ходимларининг малакасини ошириш ва профилактиканинг ҳуқуқий механизмларини рақамлаштириш бўйича амалий йўл-йўриқлар баён этилган. Тақдим этилган таклиф ва тавсиялар вояга етмаганлар ўртасида ҳуқуқбузарликларнинг олдини олиш тизимини самарали ташкил этишга хизмат қилади.