Bul maqalada Qaraqalpaq milliy dramaturgiyasında 1930-jıllardan baslanǵan transformaciya yaǵnıy bir janrdan ekinshi janrǵa aylandırılǵan dramalıq shıǵarmalar haqqında maǵlıwmat berilgen. Atap aytqanda M.Dáribaevtıń “Ǵárip ashıq” dramasınıń dástannan ózgesheligi, kemshilikleri hám jetiskenlikleri haqqında keń tallaw islengen. Sonday-aq, dastanda berilmegen biraq avtor tárepinen pyesaǵa qatnastırılǵan qosımsha obrazlardıń xarakteri, is-háreketleri haqqında ilimiy juwmaqlar islengen.