Imom Buxoriy, hadis ilmining ulkan ustozlaridan biri sifatida, Islom ilm-fanida yirik iz qoldirgan. Uning "Sahih al-Buxoriy" asari, hadislarni to‘g‘ri va ishonchli tarzda yig‘ish va tasniflashda eng yuqori ilmiy metodologiyani o‘rnatgan. Bu to‘plam, hadis ilmining asosiy manbalaridan biri sifatida, bugungi kunda ham keng qo‘llaniladi va qadrlanadi. Imom Buxoriyning ilmiy faoliyati va metodologiyasi faqat hadis ilmiga emas, balki boshqa ilmiy sohalarga ham katta ta'sir ko‘rsatdi. Uning ishlari, nafaqat ilmiy tadqiqotlar, balki ma'naviy va axloqiy qadriyatlarni shakllantirishda ham muhim rol o‘ynadi. Maqolada, Imom Buxoriy merosining ilm-fan, diniy tafakkur va axloqiy qadriyatlar sohalaridagi bugungi o‘rni, uning ilmiy uslubining zamonaviy dunyoda qanday ahamiyatga ega ekani yoritilgan. Buxoriy ilmiy metodlari va asarlari nafaqat Islom jamiyatida, balki butun dunyoda ilm-fan rivojlanishida muhim o‘rin tutadi.

Mazkur maqolada hadis ilmining rivojlanishiga ulkan hissa qo‘shgan ikki buyuk muhaddis, Imom Buxoriy va Imom Termiziylarning ilmiy merosi qiyosiy tarzda tahlil etiladi. Maqolada, har ikkala muhaddisning hadis to‘plamlaridagi metodologik yondashuvlar, hadislarni tanlash va ularning ishonchliligini baholash usullari chuqur tahlil qilinadi. Imom Buxoriyning "Sahih al-Buxoriy" va Imom Termiziyning "Sunan al-Termiziy" asarlari asosida hadis ilmiga qo‘shgan hissalari, ayniqsa, sanad va matnni tahlil qilishdagi yondashuvlaridagi o‘xshashliklar va farqlar ko‘rib chiqiladi. Maqola, shuningdek, bu ikki muhaddisning ilmiy merosining ahamiyatini, ularning hadis ilmi sohasidagi yuksak darajadagi metodologik tafovutlarini va ularning ilmiy ishlarining bugungi kunda davom ettirilayotgan ilmiy tadqiqotlarga ta’sirini o‘rganadi.