Mazkur maqolada ingliz tilidagi mediamatnlarda uchraydigan frazeologik birliklarning leksik-semantik tarkibi, xususiyatlari va tildagi rang-barangligi to’g’risida ayrim ma’lumotlar taqdim etildi. Mazkur birliklar tilning ham yozma, ham og’zaki shakllarida tilning eng jozibador ajralmas bir qismi tashkil etadi. Tilning boyishi va yanada taraqqiy etishida frazeologik birliklarning hissasi ulkan ekanligini ko’rish mumkin.