Kórkem ónerdiń túrleri júdá kóp, olardıń barlıǵı da adamǵa estetikalıq zawıq beredi hám ruwxıy dúnyasınıń jańalanıwına, keńeyip bayıwına xizmet etedi. Kórkem ónerdiń túrli tarawlarında birdey kórinis sáwlelendirilip, súwretleniwi múmkin. Ásirese, kórkem ónerde ana-tábiyattıń gózzal kórinisi, onıń biytákirar jaratılǵanlıǵı túrlishe súwretlenedi. Sonlıqtan da, ol insanǵa ózgeshe tasir jasaydı. Mine, usınday tasirler nátiyjesinde kórkem ónerde peyzaj payda bolǵan. Ádebiyatta peyzaj áhmiyetke iye.

Til - adamlar arasında óz ara pikir alısıwdıń eń áhmiyetli quralı. Adamlardıń pikir alısıwı tek gápler arqalı ǵana ámelge asadı. Sonlıqtan sintaksistiń tiykarǵi birligi gáp bolıp esaplanadı. Gáp pikirdi adamlardıń sezimin basqalarǵa jetkiziwde xizmet qılatuǵın tiykarǵi birlik. Bunnan tısqarı gáp-semantikalıq, intonaciyalıq pútinlikke iye bolǵan, tamamlanǵan bir pútin oydı bildiretuǵin sintaksislik birlik bolıp esaplanadı. Gáp grammatikalıq dúzilisine qaray jay gáp hám qospa gáplerge bólinedi. Sonlıqtan, usı maqalanıń baslı maqseti grammatikalıq mánisine qaray jay gápler menen qospa gaplerdiń bir-birine ótiw hám rawajlanıw qubılısların izertlew bolıp tabıladı.

Ǵárezsizlik jıllarında Ózbekstan Respublikası kásiplik awqamı federaciyası Qaraqalpaqstan Respublikası keńesi tariyxınıń rawajlanıwına baylanıslı  hújjetlerdi hár tárepleme analiz etiw, bul  dáwir tariyxındaǵı máselelerdi anıq  faktler tiykarında kompleksli izertlew,   konceptual kóz qarastan izertlenip atırǵan máselege jańasha baha beriw zárúrligi baqlandı. Sonlıqtan, usı maqalanıń baslı maqseti ǵárezsizlik jıllarında Ózbekstan Respublikası kásiplik awqamı federaciyası Qaraqalpaqstan Respublikası keńesi tariyxına sholıǵıw hám alınǵan nátiyjelerdi analizlew bolıp tabıladı.

Qaraqalpaq folklorınıń ayrıqsha tarawlarınıń biri bul sòzsiz mifler esaplanadı. Sonlıqtan, usı maqalanıń baslı maqseti qaraqalpaq àdebiyatında miflerdiń payda bolıwın, rawajlanıw basqıshların hàm miflik obrazlardı tereńnen analizlew bolıp tabıladı. Bunda tiykarınan qaraqalpaq xalıq erteklerinde ushırasatuģın miflik obrazlar analizlendi. Izertlewdiń juwmaģına kòre, qaraqalpaq xalıq erteklerinde mifler ayrıqsha orın iyeleydi. 

Qaraqalpaq ádebiyatınıń baǵdarlarınıń biri proza tarawında óziniń óziniń dóretken povestleri hám gúrrińleri menen bekkem orın iyelegen Sarıgúl Bahadırova qaraqalpaq ádebiyatınıń kórnekli wákilleriniń biri bolıp tabıladı. Sonlıqtan, maqalanıń baslı maqseti Sarıgúl Bahadırovanıń dóretiwshiligin analizlew bolıp tabıladı. Usı tiykarda jazıwshınıń repertuarınan orın alǵan povestleri hám gúrrińleri tereńnen talqılandı. Izertlew jumısınıń juwmaǵına kóre, Sarıgúl Bahadırovanıń miynetleri Qaraqalpaq ádebiyatında óziniń ayırıqsha ornına iye ekenligin kóriwge boladı.  

Házirgi kúnde fermer hám diyxan xojalıqları mámlekettiń ekonomikalıq jaqtan rawajlanıwına tiykarǵı úles qosıwshı baǵdar bolıp tabıladı. Sonlıqtan da, usı maqalanıń tiykarǵı maqseti fermer hám diyxan xojalıqlarınıń rawajlanıw principlerin úyreniw hám olardı ámeliyatta qollaw bolıp tabıladı. Sol sebepli, bul maqalada Qaraózek rayonınıń fermer hám diyxan xojalıqlarınıń rawajlanıw jolın izertleydi. Izertlew jumısınıń nátiyjesi sonı kórsetedi, Qaraózek rayonınıń fermer hám diyxan xojalıqları aldınǵı jıllarǵa salıstırǵanda rawajlanıw kórsetkishi joqarı ekenligi tabıldı.

Jaslar tárbiyasında muzıkanıń ornı salmaqlı ekenligi sonnan ibarat, muzıka óz aldına ózge bir dún’ya. Ol sıyqırlı nama hám ırǵaqlar, ájayıp tuyǵı hám kewil sezimleri dún’yası. Muzıkanıń bul kúshinen mazmunlı hám ónimli paydalanıw hár bir muzıka oqıtıwshısınıń wazıypası, bul ushın oqıtıwshılar muzıka páni boyınsha balalarga bilimdi zamanagoy didaktikalıq principler talabına say dóretiwshilik penen jana texnologiyalar tiykarında mudamı óz ustinde islep, jetilistirip barıwı kerek. Sonlıqtan, bul maqalada muzika sabaǵın oqıtıwda zamanagóy didaktikalıq principlerdiń túrleri analiz etiledi ha’m olardińáhmiyetliligi kórsetip ótiledi.