Leyshmaniozning tarqalish darajasi parazitar etiologiyali kasalliklar orasida birinchi oʼrinlardan birini egallaydi. Epidemiologik tadqiqotlar shuni ko'rsatdiki, teri leyshmaniozi ma'lum mavsumiylik bilan xarakterlanadi. Bemorlar ko’pincha shifokor huzuriga kech murojaat qilishadi. Ammo bemorni davolashdan oldin albatta leyshmaniozni klinik turini, yaralar joylashgan sohalar va yaralar sonini aniqlash kerakli muhim belgilardan biri bo’lib sanaladi.

Teri leyshmaniozi - chivinlar orqali yuqadigan Leishmania protozoylarining ko'plab turlari tomonidan qo'zg'atilgan keng tarqalgan tropik infektsiyadir. Uning klinik ko'rinishlari juda xilma-xil bo'lib, ko'plab parazit va xos omillarga bog'liq bo'lib, ular chuqur o’rganilmagan. O‘zbekiston ham teri leyshmaniozi bo‘yicha epidemiologik mintaqalardan biri hisoblanadi. Maqolada Buxoro viloyati boʻyicha yoshi, jinsi va tumanlararo statistik maʼlumotlar toʻplami keltirilgan.