Falsafiy qarashlarida pozitivist bo‘lgan fransuz faylasufi Jozef Ernest Renan (27.02.1823-2.10.1892) tabiat va jamiyat o‘z qonunlariga ko‘ra taraqqiy etishini e’tirof qilar ekan, bu olamda allaqanday ilgarilanma harakat va ezgulikka umumiy intilish bor, deb hisoblagan. Uning fikricha, ilgari alohida falsafiy tizimlar va nazariyalar mavjud bo‘lib, ularning har biri o‘z tarafdorlariga ega bo‘lgan bo‘lsa, ezgulikda ularning barchasini o‘rganib va umumiy xulosa chiqarish, o‘z aqli bilan ish tutish uchun imkoniyat tug‘ildi.