"Gúl-Sániwar" dástani qaraqalpaq xalqınıń belgili dástanlarınıń biri esaplanadı. Dástanda xalqımızdıń milliyligi, dástúrleri, sonday-aq ashıqlardıń birge bolıw jolındaǵı qıyınshılıqları sóz etiledi. Búl dástan Qaraqalpaq folklorı 100 tomlıǵınıń 57-66- tomlıǵında berilgen bolıp, ashıqlıq mazmundı sóz etedi. Dástánnıń tili, sózlik quramı, leksika-semantikalıq ózgeshelikleri elege shekem tolıq izertlenbegen. Sol sebepli usı tezistiń maqseti "Gúl-Sániwar" dástanındaǵı antroponim hám toponimlerdi analizlewden ibarat.