Ushbu maqolada ma’naviy barkamollik tushunсhaning sog‘lom turmush tarziga ta’siri ko‘rib chiqildi va uning o‘ziga xos jihatlari tahlil qilindi.

Mazkur maqolada O‘zbekiston jamiyatida diniy qadriyatlarning milliy o‘zlikni anglash jarayonidagi o‘rni sotsiologik yondashuv asosida tahlil qilinadi. Tadqiqotda diniy qadriyatlarning ijtimoiy institut sifatidagi vazifalari, ularning milliy identitet, ijtimoiy barqarorlik va ma’naviy yangilanish jarayonlariga ta’siri, shuningdek, globallashuv sharoitida bu qadriyatlarning qayta talqin qilinishi masalalari yoritilgan. O‘zbekiston mustaqillikka erishganidan so‘ng, diniy qadriyatlarni tiklash, ularni milliy mafkura bilan uyg‘unlashtirish bo‘yicha amalga oshirilgan siyosiy, madaniy va ijtimoiy islohotlar tahlil qilinadi. Maqola sotsiologik nazariyalar asosida yozilgan bo‘lib, diniy qadriyatlarning jamiyat barqarorligidagi o‘rni va yoshlar ongiga ta’sirini ilmiy asosda ochib beradi.

Ushbu maqolada Alisher Navoiy asarlarida insonparvarlik g‘oyalari yoritilgan. Shoir ijodining asosiy tamoyillari sifatida adolat, saxiylik, ilm-ma’rifat, mehr-oqibat, halollik va vafodorlik masalalari tahlil qilingan. Tadqiqot davomida Navoiy asarlarida inson qadr-qimmati, ma’naviy barkamollikka intilish, jamiyat oldidagi mas’uliyat kabi g‘oyalar markaziy o‘rin egallashi ko‘rsatib berilgan. Shuningdek, Navoiy merosining bugungi kunda ham tarbiyaviy va ma’naviy jihatdan dolzarbligi asoslab berilgan.

Ushbu maqolada o‘zbek adabiyotida insonparvarlik g‘oyalarining tarixiy taraqqiyoti keng yoritilgan. Qadimgi yozma yodgorliklardan boshlab, Sharq Uyg‘onish davri, Temuriylar adabiy maktabi, jadidchilik davri va mustaqillikdan keyingi zamonaviy adabiyotda insonparvarlikning turli ko‘rinishlari tahlil qilingan. Alisher Navoiy, Zahiriddin Muhammad Bobur, Abdulla Qodiriy, Cho‘lpon, Erkin Vohidov, Abdulla Oripov, Tog‘ay Murod kabi ijodkorlarning asarlari misolida inson qadr-qimmati, adolat, rahm-shafqat, ozodlik va ma’naviy barkamollik g‘oyalari yoritilgan. Shuningdek, olimlarning fikrlari keltirilib, adabiyotshunoslikdagi qarashlar bilan boyitilgan. Tadqiqot natijalari shuni ko‘rsatadiki, insonparvarlik g‘oyasi o‘zbek adabiyotining barcha davrlariga xos bo‘lib, u milliy va umuminsoniy qadriyatlarni birlashtiruvchi muhim ma’naviy asosdir.

Mazkur maqolada bolalarni kitobga qiziqtirish, kitobxonlik madaniyatini shakllantirish va bu borada ota-
 onalarning o`rni haqidagi fikrlar yoritilgan

Ushbu maqolada o‘zbek xalq pedagogikasining tarixiy ildizlari va uning ilmiy manzara evolyutsiyasidagi o‘rni tahlil qilinadi. Xalq og‘zaki ijodi, urf-odat va marosimlarda mujassam bo‘lgan tarbiyaviy qadriyatlarning asrlar davomida avloddan-avlodga o‘tishi hamda Sharq uyg‘onish davri allomalari (Forobiy, Beruniy, Ibn Sino) ilmiy qarashlari bilan uyg‘unlashuvi yoritiladi. Shuningdek, jadidchilik harakati va mustaqillik davri ta’lim tizimidagi o‘zgarishlar, XXI asrda zamonaviy ilmiy-texnologik yondashuvlar bilan xalq pedagogikasining integratsiyasi ko‘rib chiqiladi. Tadqiqot natijalariga ko‘ra, xalq pedagogikasi insonparvarlik, vatanparvarlik, axloqiy poklik va ma’naviy barkamollik g‘oyalarini saqlab qolgan holda bugungi kunda ham dolzarb ahamiyat kasb etmoqda.

Mazkur maqola pedagogik hamkorlik muhitida talabalar kasbiy-ma’naviy barkamolligini rivojlantirish texnologiyalariga bag‘ishlangan. O‘quv jarayonida hamkorlikning ahamiyati, talabalar o‘rtasidagi ijtimoiy aloqalarni mustahkamlash va ularning shaxsiy rivojlanishiga ta'siri keng ko‘lamda tahlil etiladi. Maqolada, pedagogik hamkorlik modelining asosiy tamoyillari va uning kasbiy tayyorgarlik jarayonidagi roli yoritilgan. Shuningdek, zamonaviy pedagogik texnologiyalar orqali talabalarni nafaqat kasbiy ko‘nikmalar bilan, balki ma’naviy-axloqiy qadriyatlar bilan ta’minlashning samarali usullari keltirilgan. Tajribali o‘qituvchilarning amaliyoti asosida ishlab chiqilgan innovatsion metodikalar, guruhli va jamoaviy ishlashning psixologik aspektlari muhokama qilinadi.

Maqolada Abdulla Oripov ijodida ifodalangan umuminsoniy g‘oyalar, ularning badiiy talqini va poetik yondashuv xususiyatlari o‘rganiladi. Shoir asarlaridagi insonparvarlik, ezgulik, haqiqat, imon, ma’naviy barkamollik kabi tushunchalarning obrazlar va timsollar orqali qanday ifoda topgani tahlil qilinadi. Umuminsoniy g‘oyalar bilan milliy g‘urur va vatanparvarlik ruhining mushtarakligi mualliflik pozitsiyasi asosida yoritiladi.