Ushbu maqolada transport kinetikasi tushunchasining tarixiy rivojlanishi va zamonaviy talqinlari tahlil qilinadi. Biologik membranalarda moddalar almashinuvining asosiy mexanizmlari — passiv va aktiv transport jarayonlari, shuningdek, ularning molekulyar asoslari yoritiladi. Simport va antiport tizimlarining ishlash prinsiplari, ion gradienti energiyasidan foydalanish mexanizmlari hamda hujayra membranalarida energiyaning aylanishi (transduktsiyasi)ning biokimyoviy asoslari batafsil ko‘rib chiqiladi. Membrana orqali moddalarning o‘tishini bog‘lovchi reaksiyalar va ularning hujayra metabolizmidagi ahamiyati ilmiy manbalar asosida tahlil etiladi. Hujayra membranalarida energiyani aylanishini ahamiyati, ular orqali ionlarning o’tishi haqida bir qancha malumotlar berib o’tilgan.