Ushbu maqola O‘zbekiston Respublikasida xalqaro xususiy huquqni kodifikatsiyalashni takomillashtirish masalalariga bag‘ishlangan bo‘lib, unda mazkur yo‘nalishning nazariy va amaliy jihatlari chuqur tahlil qilingan. Xususan, muallif xalqaro xususiy huquq normalarining milliy huquq tizimidagi o‘rni, ularning fuqarolik, oila va mehnat qonunchiligi bilan o‘zaro uyg‘unlashuv darajasini tahlil etadi. Tadqiqot davomida milliy qonun hujjatlaridagi kollizion normalarning yetarli darajada tizimlashtirilmaganligi va turli soha qonunlari orasida yagona huquqiy mexanizmning mavjud emasligi muhim muammo sifatida ko‘rsatib o‘tilgan. Maqolada xorijiy davlatlar, xususan, Germaniya, Rossiya Federatsiyasi va Fransiya tajribasi o‘rganilib, ularning xalqaro xususiy huquqni kodifikatsiyalash borasidagi yondashuvlari tahlil qilingan. Shu asosda O‘zbekiston uchun mos bo‘lgan huquqiy model ishlab chiqish zarurligi asoslab berilgan. Muallif xalqaro xususiy huquqning umumiy qismini yaratish, unda “avtonomiya irodasi” (party autonomy), “ordre public” va “lex loci contractus” kabi asosiy tamoyillarni mustahkamlashni taklif etadi.

Bugungi kunda davlatlar o‘rasida tashqi aloqalar, tijoriy munosabatlar, xususan tashqi iqtisodiy, ilmiy-texnikaviy va madaniy aloqalar tobora rivojlanib bormoqda. Bu esa ular o‘rtasida xalqaro transport aloqalarining, yuklarning xalqaro tranzitiga oid munosabatlarning yana keng tus olishiga, xalqaro ko‘lamda yuklar va yo‘lovchilarni tashish borasida xizmat ko‘rsatish sifatining oshishiga hamda bu sohani tartibga soluvchi xalqaro normativ-huquqiy hujjatlarning yanada takomillashtirilishiga turtki bo‘lmoqda. Olingan nazariy ma’lumotlarning tahlili asosida ushbu maqolada xalqaro xususiy huquqning muhim instituti bo‘lgan xalqaro miqyosda avtomobillarda yuk tashishning o‘ziga xos xususiyatlarni, xalqaro ko‘lamda avtomobillarda yuk tashish bilan bog‘liq munosabatlarning huquqiy tartibga solinishini ilmiy-nazariy tahlil qilish maqsdaga muvofiq.

Bugungi globallashuv jarayonida xalqaro miqyosda huquqiy munosabatlarning tartibga solinishi va rivojlanishi alohida e'tibor talab qiladi. Ushbu maqolada aynan xalqaro xususiy huquq tushunchasi hamda uni tizimlashtirish, ya'ni birlashtirish borasida dunyo tajribasi o'rganilib, kamchiliklar va yutuqlari tahlil qilinadi. Shuningdek, bu borada olib borilayotgan ilmiy izlanishlar katta ahamiyatga ega ekanligi, individlar o'rtasida hududiy chegara bilmas munosabatlar vujudga kelishi, o'zgarishi va tugashini ham yaxlit huquqiy manba bilan tartibga solinishi ortiqcha vaqt va ziddiyatlarni oldini olishini inobatga olgan holda, xalqaro xususiy huquqni birlashtirishda muammolar yoritiladi. Bundan tashqari, maqolada muammolarni bartaraf qilish va bu jarayonni tartibga solish usullari bo'yicha takliflar haqida so 'z boradi.

Ushbu maqolada xalqaro iqtisodiy integratsiya va globallashuv sharoitida transchegaraviy savdo shartnomalarining xalqaro xususiy huquq doirasida tutgan o‘rni tahlil qilinadi. Maqolada xalqaro savdo bitimlarining asosiy turlari – tovarlar oldi-sotdi, xizmatlar ko‘rsatish, agentlik va distribyutorlik, litsenziya va franchayzing, shuningdek, investitsiya shartnomalari bo‘yicha normativ hujjatlar va xalqaro tajribalar asosida tasnif berilgan. Shuningdek, huquqni tanlash erkinligi tamoyilining xalqaro va milliy huquqiy tizimlarda qanday ifodalangani, ushbu prinsipning ahamiyati va amaliy natijalari – xususan, huquqiy aniqlik, investitsiya xavfsizligi va arbitraj samaradorligi nuqtai nazaridan muhim tahlillar keltirilgan. O‘zbekiston Respublikasi qonunchiligidagi mavjud tartibotlar, cheklovlar va ularning xalqaro standartlarga mosligi ham muhokama qilingan.

Barqaror rivojlanish yoʼlida mamlakatimizda amalga oshirilgan koʼplab islohotlar qatorida sud-huquq islohotlari alohida oʼringa ega. Oʼz navbatida huquqiy davlat va kuchli fuqarolik jamiyatini qurish maqsadi bilan chambarchas bogʼliq. Chet el elementi bilan murakkablashgan xalqaro xususiy munosabatlarning tartibga solinishi, turli davlatlar xalqaro xususiy huquq normalarining oʼzaro muvofiq tarzda qoʼllanilishi xalqaro xususiy huquq nazariy qoidalarining batafsil ishlab chiqilishi bilan bevosita bogʼliq. Bu borada hozirda delikt munosabatlarining kollizion masalalari xalqaro xususiy huquqda munozarali masalalardan biri ekanligini qayd etish lozim. Shu bois mazkur maqola orqali chet el eelementi bilan murakkablashgan zarar yetkazishdan kelib chiqadigan majburiyatlar (delikt) bilan bogʼliq boʼlgan masalalar haqida talaba va magistrda yetarli tushunchalari boyitish va koʼnikma xosil qilishga yordamlashadi degan umidamiz.

Ushbu maqolada raqamli texnologiyalarning xalqaro xususiy oila huquqiga ko‘rsatayotgan ta’siri chuqur tahlil qilinadi. Muallif raqamli nikohlar, virtual ajralishlar, ijtimoiy tarmoqlarda shakllanayotgan oilaviy munosabatlar, shuningdek elektron fuqarolik holati dalolatnomalarining transchegaraviy tan olinishi bilan bog‘liq asosiy huquqiy muammolarni ko‘rsatadi. Maqolada Estoniya, Birlashgan Arab Amirliklari, Buyuk Britaniya, AQSh, Malayziya va boshqa davlatlarning amaliy tajribasi misolida raqamlashtirishning oilaviy huquqiy munosabatlarga ta’siri yoritilgan. Shuningdek, mavjud xalqaro konvensiyalar va reglamentlar raqamli kontekstda qayta ko‘rib chiqilishi zarurligi asoslab beriladi. Tadqiqot xulosasida esa xalqaro xususiy huquqda yangi bog‘lovchi omillar, texnologik neytrallik va funksional ekvivalentlik tamoyillariga asoslangan yechimlar taklif etiladi..

Xalqaro global maydonda sodir bo’layotgan voqea-hodisalarning ta’siri doirasida investorlarga yaratib berilayotgan kafolatlar hamda mezbon davlatlar va investorlar o’rtasida imzolangan xalqaro investitsiya shartnomalarining mazmun mohiyati, kuchga kirishi va xalqaro odat huquqi normalariga muvofiq, nizolarni muqobil usulda bartaraf etish maqsadida “Umbrella claus” (soyabon nazariyasi)ning amaliyotda muhim ahamiyat kasb etayotgani investor huquqlarining mustaqil poydevori sifatida namayon bo’lmoqda.

Ushbu maqolada xususiy xalqaro huquqning subyekti sifatida jismoniy shaxsning huquqiy xolatini tahlil qilamiz. Xalqaro xususiy huquq subyekti sifatida jismoniy shaxslarni tahlil qilish orqali ularning milliy huquqdagi subyektlardan farqli va o’ziga xos xususiyatlarini shu bilan birga Chet el fuqarolari huquqiy holatining umumiy masalalari yoritib o’tishga harakat qilamiz.O’zbekiston Respublikasida chet el fuqarolarining fuqarolik huquq layoqati va muomala layoqati.

Xalqaro ko’lamda yuk va yo’lovchilarni tashish Xalqaro xususiy huquq modulining muhim institut hisoblanadi. Ushbu maqola xalqaro ko’lamda yuk va yo’lovchilarni avtomobilda tashish jarayonida vujudga keluvchi kollizion masalalarini huquqiy tartibga solish bilan bog’liq munosabatlarni ochib beradi.

Mazkur maqolada xalqaro xususiy huquqda jabrlanuvchilarning kompensatsiya to`lash masalalari, ularning himoya vositalari, ushbu sohadagi muammolar va ularga yechimlar berish bo`yicha fikr yuritilgan.

Xalqaro savdoda Sanitariya va fitosanitariya choralarini qo'llash to'g'risidagi bitim va savdodagi texnik to'siqlar to'g'risidagi bitim    bilan bir qatorda nodavlat notijorat tashkilotlari va transmilliy kompaniyalar tomonidan o'rnatiladigan xususiy sektor standartlari ham tobora kuchayib bormoqda. Aslida, ular ushbu bitimlar bilan bir xil rol o'ynaydi - ular import qilinadigan tovarlar sifatini tartibga soladi. Biroq, muammo shundaki, bu standartlar ko'pincha davlat standartlariga qaraganda qattiqroq bo'lib, bu yetkazib beruvchilarga salbiy ta'sir qiladi (asosan rivojlanayotgan va kam rivojlangan mamlakatlarda). Jahon Savdo Tashkilotiga (JST) a’zo rivojlangan davlatlar, o‘z navbatida, javobgarlikdan qochishga harakat qilmoqda. Boshqa tomondan, bu talablar iste'molchilar manfaatlarini himoya qiladi, deb ta'kidlanadi. Faqat bir narsa aniq – ushbu xalqaro shartnomalardagi normalar nodavlat notijorat tashkilotlari tomonidan to‘liq bajarilmayapti. Hozirda JST bu vaziyatdan chiqish yo‘lini topa olmadi. Ehtiyotkorlik bilan va izchil harakat qilib, a'zo davlatlar yechim topish yo'lidagi faqat dastlabki qadamlarni belgilab oldilar.

Ushbu maqolada xalqaro xususiy huquqning asosiy prinsiplaridan biri sanalgan ikkiyoqlama soliqqa tortmaslik prinsipining mazmuni, mohiyati, shuningdek mazkur prinsipning globallashuv jarayonidagi ahamiyati huquqiy tahlillar asosida ochib berilgan. Mazkur maqolada ikki yoqlama soliqqa tortishning kelib chiqish sabablari, turlari va ularni bartaraf etishga qaratilgan choralar, shu bilan birga ikkiyoqlama soliqqa tortmaslik prinsipini qo`llash bilan bog`liq nazariyalar, ilmiy qarashlar va xalqaro xususiy huquq normalari o`rganilgan.

Ushbu maqolada Birlashgan Millatlar Tashkiloti (BMT) va mintaqaviy tashkilotlarning xalqaro iqtisodiy sanksiyalarni joriy etish bo‘yicha vakolatlari doktrinal-huquqiy tahlil qilinadi. Unda iqtisodiy sanksiyalar landshafti BMT Xavfsizlik Kengashining taxminiy ustunligi modelidan ko‘p qatlamli va bahsli huquqiy tartibotga aylangani ta’kidlanadi. Maqolada zamonaviy sanksiya rejimlarining legitimligi va samaradorligi jamoaviy xavfsizlik talablarini mintaqaviy huquqiy tartibotlarning konstitutsiyaviy normalari bilan muvofiqlashtirishga va xususiy sektorning risklarni kamaytirish (de-risking) harakatlarining kutilmagan gumanitar oqibatlarini yumshatishga bog‘liq degan xulosaga kelinadi.

Mazkur maqolada  xalqaro tijorat arbitrajida davlat siyosatidan tashqarida bo`lgan yagona namunaviy qoidalarni yaratish va qo`llash, buning foyda va zararli taraflari,hayotiy tajribalar, muammolar va yechimlari bo`yicha fikr yuritiladi.